Partıanyń atyna jazylǵan ótinishtiń 74%-y ınternet arqyly joldanǵan.
Baýyrjan Baıbek bir kezderi qıyn jaǵdaıǵa dýshar bolǵan almatylyq otbasylarmen jolyqty, dep habarlaıdy Almaty-akshamy.kz «Astana» telearnasyna silteme jasap.
Almatylyq polıseı Aıan Ǵalıev osydan 5 jyl buryn terrorısterdiń qolynan qaza tapqan bolatyn. Qyzmet barysynda qaza tapqan polıseıdiń artynda qalǵan eki balasy men jaryna qoldaý kórsetilip, Elbasynyń atynan páter kilti tabystalǵan edi. Jańadan qonystanǵandarǵa úıdi jóndeýge kómek berildi.
«Bul tragedıa bolǵan kezde, balalarym men olardyń bolashaǵy úshin qatty alańdadym. Óıtkeni, biz asyraýshymyzdan aırylyp qaldyq. Biraq, keıin biz jalǵyz emes ekenimizdi uǵyndyq. Bizge memleket, Elbasy aýqymdy kómek pen qoldaý kórsetti. Bizge syıǵa berilgen páter men erekshe nazar aýdarǵandary úshin alǵysym sheksiz», - dedi Aıan Ǵalıevtyń jesiri Anar Asanova.
«Elbasy tarapynan biz kóp balaly analarǵa kómek jasadyq. «Baqytty otbasy» jobasyn bastadyq. Qala tarapynan da kómek boldy, jergilikti búdjetten, jalpy, respýblıkadan kóp jaǵdaı jasalyp jatyr. Budan bólek kómekke zárý januıalarǵa Nur Otan partıasynyń músheleri de belsendi túrde kómek kórsetip keledi. Sońǵy 3 jylda partıalyqtar 500 myńǵa jýyq adamdy qabyldap, muń-muqtajyna qulaq asqan. Ótinishtiń 74%-i ınternet arqyly joldanǵan», - dedi Nur Otan partıasy tóraǵasynyń birinshi orynbasary Baýyrjan Baıbek.