Bul joldyń aqaýy jaıynda buryn da habarlaǵanbyz.
132 mlrd teńgege salynǵan «Almaty-Qorǵas» tas jolyna sybaılas jemqorlyqqa kúres ókilderi tekseris bastady, dep habarlaıdy Almaty-akshamy.kz
5 jyl buryn ǵana paıdalanýǵa berilgen halyqaralyq mańyzy bar jol kúnniń ystyǵyna shydas bermeı kóterilip ketken.
Aqaý Almaty-Qorǵas tas jolynyń 190-shaqyrymynda bolǵan. Qazir búlingen jer jamalǵan. Al agenttiktiń Almaty oblysyndaǵy ókilderi oqıǵa ornyna baryp, mán-jaıdy anyqtap, arnaıy tekseristi bastady. «Batys Eýropa-Batys Qytaı» halyqaralyq tranzıttik dáliziniń Almaty oblysyndaǵy jol qurylysy 2017 jyly aıaqtaldy. Jolǵa berilgen kepildik merzimi 2019 jyly ótip ketken.
«Jobalaý kezinde «kompensasıonnyı shov» degen bolady. Sol 500-600 metr saıyn salynyp otyrǵan. Alaıda ol jetkiliksiz. Mysaly Dýbaıda 80-100 metr aralyǵynda bolyp tabylady. Sondyqtan qysym bolǵannan keıin aýa-raıynyń jylynýyna baılanysty beton kóterilip jatyr», dedi Sybaılas-jemqorlyqqa qarsy is-qımyl agenttigi Almaty oblysy boıynsha departament basshysynyń birinshi orynbasary Nursultan Bekenov.