Almaty Tourism Bureau Mastercard-pen birlesip, qalaǵa keletin saıahatshynyń júrip ótken jolyn egjeı-tegjeı taldap, Almatydaǵy týrıs aǵynyna zertteý júrgizdi. Taldaý saıahattyń negizgi kezeńderin qamtıdy – josparlaý, brondaý, ornalasý men demalys.
Tourism Insights (Mastercard) derekterine sáıkes, Almaty Ortalyq Azıa boıynsha týrısik izdeý suranystarynyń 29,7%-yn ıelenip, Qazaqstannyń basty týrısik ortalyǵy bolyp qala beredi, bul aldyńǵy kórsetkishten 2 paıyz joǵary. Ósimdi áýe reısteriniń kóbeıýinen baıqaýǵa bolady: Almatyǵa reıster sany dástúrli áýe kompanıalarynda (+24,7%) jáne loýkosterlerde (+44,5%) artty. Qaıta kelýshilerdiń úlesi 78,6%-ǵa ósip, 25%-ǵa jetti, al ásirese iri sharalardyń aldynda bıletterdi erterek, 40 kún buryn izdeý ýaqyty 24%-ǵa artty.
Almatyǵa reıs brondaıtyn jolaýshylar sany 1,5 ese óse, bul qoljetimdi reısterdiń kóbeıýimen baılanysty. Aldyńǵy qatardaǵy 10 eldiń ishinde Qytaı erekshe kózge túsedi – 2024 jyldyń birinshi jartyjyldyǵynda bul elden brondaýlar sany 6 esege artyp, 25,2 myń bıletke jetti. Eń kóp brondaý Túrkıadan jasalǵan, bul Qazaqstanmen iskerlik baılanystardyń tyǵyzdyǵyna qatysty.
Almatyǵa keletin týrıser belsendi demalysty jón kóredi: 54% tabıǵat aıasyndaǵy týrlar men ekskýrsıalardy, 44% jıp-týrlardy tańdaıdy. Gastronomıa, shopıng jáne oıyn-saýyq joǵary baǵalanyp júr, 70%-y oń pikir bildirgen. Otbasylyq týrızmge qatysty jaǵymdy pikirler úlesi 12 paıyzǵa ósti. İskerlik shyǵyndar belsendilik, ınvestısıalar jáne halyqaralyq forýmdardyń kóbeıýine baılanysty úsh esege artty.
Almaty Tourism Bureau Almatynyń týrısik habqa aınalý jospary osylaısha júzege asyp jatqanyn atap ótti. Qalanyń áýejaıy arqyly tranzıt jolaýshylar sanynyń artýy onyń halyqaralyq baǵyttardaǵy róliniń ósip kele jatqanyn dáleldeıdi. Zertteý Almaty demalys pen iskerlik saparlar úshin tanymal baǵyt bolyp qala beretinin, al qalanyń týrısik sektory qarqyndy damyp jatqanyn kórsetti.
Tolyq esep myna siltemede.