Merekelik sharaǵa 5 myńnan astam bala qatysty, dep habarlaıdy aqshamnews.kz
Almatyda Halyqaralyq balalardy qorǵaý kúnine arnalǵan «BALA FEST. JARYQ SKILLFEST» festıvali ótip jatyr.
1 maýsym – Halyqaralyq balalardy qorǵaý kúninde Almaty shyn máninde balalyq shaqtyń, qýat pen shabyttyń ortasyna aınaldy. Merekege oraı uıymdastyrylǵan BALA FEST. JARYQ SKILL FEST festıvali arqyly búldirshinderjarqyn, batyl, meıirimdi ári kreatıvti qalany kóre aldy. İs-shara Álıa Moldaǵulova men Mánshúk Mámetova atyndaǵy saıabaqta ótýde.
Almaty qalasynyń ákimi Darhan Satybaldy festıválge arnaıy kelip, búldirshindermen júzdesti, ári jas urpaqqa arnalǵan ıgi bastamalarǵa qoldaý bildirdi. Festıvál JARYQ dep atalatyn bes taqyryptyq beket formatynda uıymdastyrylǵan. Ondaǵy árbir beket bala damýynyń mańyzdy qyrlaryn beıneleıdi. Aıtalyq, Jastar – tehnologıa men ınovasıany, Arman – arman men qıal álemin, Rukh – rýhanıat pen tarıhty, Yntalyq – óner men shyǵarmashylyqty, Qabilet – mamandyqtarmen tanysý jáne kásibı baǵyt-baǵdardy beınelegen. .
Festıváldiń basty maqsaty – balalarǵa qyzyqty ári paıdaly edutainment (oıyn arqyly oqytý) ádisin engizý. Bul ádis balalarǵa jańa bilimdi ala otyryp ony qýanysh pen ómirlik tájirıbege aınaldyra alatyn tıimdi tásil sanalady. Ásirese Qabilet beketi erekshe áser qaldyrdy. Bul – Jumysshy mamandyqtar jyly aıasynda uıymdastyrylǵan alań. Munda balalar túrli kásippen tanysyp qana qoımaı, ózderi de tájirıbe jasap, qol eńbegimen aınalysyp kórdi. Osyndaı bastamalar arqyly eńbekke degen qurmet pen kez kelgen kásiptiń qadirin bala jasynan boıǵa sińirýge jol ashylady.
«Biz sanaly da talantty ári ár isine jaýapty jańa urpaqty qalyptastyratyn bastamalardy jalǵasty qoldaımyz. Almaty – ár bala ózine senetin jáne armanyna nyq qadammen jetetin qala. Biz jaı ǵana qolaıly orta emes, árbir bala óz áleýetin ashyp, armanynyń mańyzdy ekenin jáne múmkindikterdiń bar ekenin túsinetin bolashaqty qalyptastyryp jatyrmyz dep sanaımyn», – dedi festıválge qatysqan Darhan Satybaldy.
Qaladaǵy shyǵarmashylyq ortalyqtarynan, Oqýshylar saraıy men mýzyka mektepterinen kelgen balalar daıyndaǵan sheberlik saǵattary men perfomanstary festıválge jańa boıaý qosty. Balalardyń óz qolymen jasaǵan óneri men kreatıvimyńdaǵan kórermendi shabyttandyrdy.
Almaty qalasynda qosymsha bilim berýge erekshe mán berilýde. 2023–2029 jyldarǵa arnalǵan Jol kartasyna sáıkes, bul salaǵa bólinetin qarjy jyl saıyn ósip keledi. Búginde qaladaǵy 216 mektepte 309 myńnan astam bala bilim alýda, olardyń 224 myńnan astamy qosymsha bilimmen qamtylǵan. Bul baǵytta 19 memlekettik uıym, 122 jekemenshik ortalyq (memlekettik tapsyrys boıynsha) jáne mektep janyndaǵy úıirmeler jumys isteıdi.
2025 jyly memlekettik uıymdarda 8,6 mıllıard teńge (2024 jyly – 6,1 mlrd), al jekemenshik ortalyqtarda 3,1 mıllıard teńge (2024 j. – 2,3 mlrd) bólinýi kózdelgen. Bul qarajat ǵylymnan bastap ekologıa, óner, sport jáne tilge deıingi jeti baǵytty qamtıtyn 11 myńnan astam balanyqamtýǵa múmkindik beredi.