Kúdikti ýaqytsha ustaý ızolátoryna qamaldy.
Polısıa qyzmetkerleri jedel izdestirý is-sharalary aıasynda konteınerlerdi «satqan» kúdiktini anyqtady. Bul 26 jastaǵy jergilikti turǵyn bolyp shyqty, dep habarlaıdy Almaty-akshamy.kz.
İshki ister mınıstrliginiń resmı saıtyndaǵy málimet boıynsha, M.esimdi azamat aldaý josparyn oılap taýyp, soǵan sáıkes áreket etken. Ol jarnama berip, kelissóz júrgizgen, aqsha alǵan.
«Saıttardyń birinde kúdikti konteınerlerdi tómen baǵamen satý týraly jarnamalardy kezeńmen ornalastyrady. Satyp alýshy paıda bolǵan kezde, qaskóı jalǵan kelisim-sharttar jasap, taýar men jetkizilim úshin júz paıyzdyq aldyn ala aýdarym týraly kelisimge keledi. Klıentterdiń qarajaty bank kartalaryna aýdarylady. Aqshany alǵannan keıin M.esimdi azamat baılanysqa shyǵýyn toqtatyp, qarajatty qolma-qol aqshaǵa aınaldyryp, jasyrynǵan», – dedi Almaly aýdandyq polısıa basqarmasynyń bastyǵy Esen Ysqaqov.
Qazirdiń ózinde birneshe zardap shekkender anyqtaldy. Qylmystyq is QR QK-niń 190-baby 3-bóligi boıynsha tergelýde.
Ustalǵan adam ýaqytsha ustaý ızolátoryna qamaldy. Bul adamnyń áreketterinen zardap shekken azamattardy polısıa myna telefon nómirleri arqyly habarlasýǵa shaqyrady: 8-708-707-92-02; 8-705-555-77-63; 8-705-771-13-71.
