Seýlge jumys sapary aıasynda Almaty ákimi Erbolat Dosaev Seegene medısınalyq qorynyń (SMF) jáne Open Healthcare Inc kompanıasynyń tóraǵasy Chhon ChonGımen kezdesý ótkizdi. SMF-Ońtústik Koreıanyń medısınalyq dıagnostıka jáne zerthanalyq zertteýler salasyndaǵy kóshbasshy.
Talqylaýdyń mańyzdy qorytyndysy Almatynyń Ortalyq Azıadaǵy SMF óńirlik haby bolyp belgilenýi týraly usynys boldy. Ońtústik Koreıa kompanıasy Almatynyń medısına salasyna shamamen $30 mln ınvestısıa salýǵa nıetti. Atap aıtqanda, jańa klınıka salý, klınıkalyq zerthanalardy jańǵyrtý, alǵashqy medısınalyq-sanıtarlyq kómek deńgeıinde emhana men medısınalyq zertteý ortalyǵyn basqarý ádistemesine densaýlyq saqtaýdyń koreı modelin zerdeleý jáne engizý, sondaı-aq tirkeý derekterin óńdeý rásimin ońtaılandyrý, ózin-ózi dıagnostıkalaý qurylǵylary men telemedısınany damytý boıynsha birlesken jobalardy iske asyrý perspektıvalary qaraldy.
«Búginde búkil álemde densaýlyq saqtaý birtindep emdeý úlgisinen dıagnostıkaǵa kóshýde. Bul aýrýlarmen kúreste, azamattardyń densaýlyǵyn qorǵaýda tıimdi jol. Pandemıa kórsetkendeı, álem jańa syn - tegeýrinderdiń aldynda tur: medısınalyq ortalyqtardy zamanaýı zerthanalarmen jabdyqtaýǵa jáne zertteýler júrgizýge nazar aýdaratyn elder ǵana básekege qabiletti bolady», - dedi Erbolat Dosaev.
Almaty ákimi Chhon ChonGı men onyń áriptesterine pandemıa kezinde Almaty turǵyndaryna kórsetken kómegi jáne COVID-19 jasaǵan dıagnostıkasy úshin alǵysyn bildirdi.
SMF tóraǵasy Chhon ChanGı óz kezeginde Seegene dıagnostıkalyq testileýi pandemıa kezinde oń nátıje bergenin atap ótti. Medısınalyq konsernniń joǵary tıimdi tehnologıasy sapaly ári jappaı taldaý júrgizýge múmkindik berdi: Ońtústik Koreıadaǵy koronavırýstyq synaqtardyń 50%-yn jáne Seýldegi synaqtardyń 60%- dan astamyn bir mekeme-Seegene medısınalyq qory óńdedi. SMF jumysynyń arqasynda Ońtústik Koreıadaǵy dúnıejúzilik pandemıa kezindegi ólim deńgeıi basqa eldermen salystyrǵanda eń tómen dep tanyldy.