Sońǵy kezderi óriste júrgen maldardy soıyp áketý oqıǵalary jıilegen.
Mal urlyǵy sanatyndaǵy qylmystardyń aldyn alý, boldyrmaý maqsatynda Almaty oblysy Kóksý aýdanynyń polıseılerimen nátıjeli jumystar jasalýda, dep habarlaıdy Almaty-akshamy.kz Polisia.kz-ke silteme jasap.
"Sońǵy kezderi mal urlyǵy qylmystarynyń kópshiligi óriste júrgen maldardy soıyp alyp ketý derekteri oryn alýda. Júrgizilgen taldaýǵa súıensek, mal urlyǵyn jasaýǵa birqatar sebepterdiń yqpal etetini anyqtaldy. Birinshiden, bul maldyń óz basymen jaıylýy, menshik ıeleriniń óristegi maldyń saqtalýyna nemquraıly qaraýy. Malshylarmen kelisim – sharttyq qatynastardyń bolmaýy “erkin jaıylý” praktıkasyn qalyptastyrady jáne maldyń kedergisiz urlanýyna nemese joǵalýyna yqpal etedi. Problemalardy zerdeleý urlyqtyń basym bóligi maldyń qaraýsyz jaıylatyn jerlerden keshki ýaqytta urlanatynyn kórsetti. Maldy ustaý oryndary kóp jaǵdaıda jabý quraldarymen jabdyqtalmaǵan, bul qylmyskerlerge mal qorasyna kedergisiz enýine múmkindik beredi jáne bul mal ıeleriniń olardy tańbalaý men syrǵalaý ýaqtyly júrgizilmegendikten, urlanǵan maldy tanýǵa qıyndyq týǵyzady", – dedi Kóksý APB bastyǵy Daýren Sakenov.
Mal urlyǵy keshki ýaqyttarda erkin jaıylymdarda urlanady, sonymen qatar mal ıelerine óz sharýashylyqtaryn qorshalǵan qoralarmen jabdyqtaý qajet. Maldarǵa mindetti túrde tańba salý qajet, bul urlanǵan maldy izdeý boıynsha jumysty jeńildetedi. Mal joǵalǵan jaǵdaıda jaýapkershilik týraly baqtashylarmen kelisim jasasý. Sharýa qojalyǵy ıeleriniń úıirdiń jetekshilerine GPS sıgnalızatorlaryn alýy quptalady, ol erkin jaıylymda júrgen tabynnyń turǵan jerin anyqtaýǵa múmkindik beredi. Aıta keterlik jaıt, mal urlyǵynyń aldyn alýda polıseılermen turaqty negizde jedel-profılaktıkalyq sharalar ótkiziledi.