Almaty oblysynda jeńil avtokólik pen men jolaýshylar avtobýsynyń qatysýymen jol-kólik oqıǵasy boldy, - dep habarlaıdy Aqshamnews.kz.
Álýmettik jelide taraǵan vıdeoda jol apaty kezinde avtobýsta oqýshylar bolǵany aıtylady.
Almaty oblystyq polısıa departamentiniń habarlaýynsha, Hyundai Accent avtokóligi men jolaýshylar avtobýsy «Sokol» saıajaıynyń aýmaǵynda soqtyǵysyp qalǵan. Qazir atalǵan oqıǵa boıynsha polısıa qylmystyq is qozǵady.
– Jol apaty saldarynan jeńil avtokólik júrgizýshisi oqıǵa ornynda kóz jumdy, al onyń jolaýshysy medısınalyq mekemede qaıtys boldy. Basqa zardap shekkender joq, - dep málimdedi óńir polısıasy.
Aldyn ala málimetterge sáıkes, Hyundai Accent júrgizýshisi burylys jasaý kezinde avtobýsqa jol bermeı soqtyǵysqan.
Qazirgi ýaqytta oqıǵanyń barlyq mán-jaıyn anyqtaýǵa baǵyttalǵan keshendi tergeý sharalary júrgizilip jatyr. İsti tergeý barysy Almaty oblysy Polısıa departamenti basshylyǵynyń baqylaýyna alyndy.