5 myńǵa jýyq fermer qatysady.
Aldaǵy kúnderi Almaty oblysynda mal sharýashylyǵynyń kórmesi ótedi. Úzdik malshylar marapattalady, dep habarlaıdy Almaty-akshamy.kz.
«2022 jyldyń 16-19 maýsym aralyǵynda «Angýs Qazaqstan» respýblıkalyq palatasy «Arqarly Maıbúırek» JSHS birlesip, Almaty oblysy, Alakól aýdarynda «Lepsi 2022» mal sharýashylyǵy kórmesin ótkizedi», - delingen ASHM baspasóz qyzmetiniń habarlamasynda.
Kórmege Qazaqstannyń barlyq óńirlerinen 5 myńǵa jýyq fermer qatysady.
İs-shara baǵdarlamasynda Qazaqstan, AQSH, Kanada, Ulybrıtanıa Chehıa, Estonıa, Rýmynıa, Ózbekstan, Qyrǵyzstan, Mońǵolıa jáne Reseı ókilderiniń qatysýymen mal ósirýshilerdiń halyqaralyq sezi bar.
Budan bólek, Shynjyly jáne Kólbaı aýyldaryndaǵy sharýashylyqtarǵa týr uıymdastyrylyp, Angýs, Gereford, Aqbas, Kalmyskaıa, Santa Gertrýda, Lımýzın tuqymdary arasynda «2022 jyldyń chempıon tuqymy», «2022 jyldyń absolútti chempıony» jáne usaq mal tuqymdary arasynda «Absolútti chempıon - 2022» baıqaýy, alaman báıge men qazaq kúresinen týrnır ótedi.
İs-shara aıasynda úzdik mal ósirýshiler Qazaqstannyń Aýyl sharýashylyǵy mınıstrliginiń atynan marapattalatyn bolady.
Kórme Qazaqstan Respýblıkasy Aýyl sharýashylyǵy mınıstrligi men Qazaqstannyń Et odaǵynyń qoldaýymen ótkiziledi.