Kóbiniń mashınasynda janarmaı taýsylyp qalǵan.
Almaty oblysynda joǵalyp ketken otbasy músheleri aman-esen tabyldy. Bul týraly Almaty-akshamy.kz TJM silteme jasap habarlaıdy.
«Respýblıkalyq jedel-qutqarý jasaǵy tobynyń jáne Qonaev qalasy jedel-qutqarý jasaǵynyń kúshimen Bartoǵaı sý qoımasy jaǵynan Fesenkov atyndaǵy Astrofızıka ınstıtýtynyń observatorıasyna jetpeı 40-qa jýyq avtomashına tabyldy. Adamdardyń sany anyqtalýda, aldyn ala málimet boıynsha zardap shekkender joq. Joǵalyp ketken 7 adamnan turatyn otbasy da sol jerde eken. Kóbiniń mashınasynda janarmaı taýsylyp qalǵan. Qazirgi ýaqytta qutqarýshylardyń kúshimen avtokólikterge janarmaı quıý jáne adamdardy mashınalarymen kolonna arqyly evakýasıalaý jumystary júrgizilýde», - delingen habarlamada.
Eske salsaq, búgin tańerteń Almaty oblysy Tótenshe jaǵdaılar departamentiniń kezekshi bólimi púltine otbasynyń joǵalyp ketkeni týraly habarlama tústi. Sonymen qatar joǵalyp ketken otbasyn izdeý jumystary kúsheıtilgen edi.