Qutqarýshylar 112 qyzmetinen keletin SMS habarlamalardy nazardan tys qaldyrmaýdy suraıdy.
Almaty oblysynda aýa raıynyń qolaısyzdyǵyna baılanysty birneshe baǵyttaǵy joldar jabyldy, dep habarlaıdy Almaty-akshamy.kz QazAqparatqa silteme jasap.
«2022 jyldyń 15 aqpanda Almaty oblysynyń «Jolaýshylar kóligi jáne avtomobıl joldary basqarmasynyń» habarlaýynsha, aýa raıynyń nasharlaýyna baılanysty (boran, nóldik kóriný) oblystyq mańyzy bar avtojol ýchaskesinde saǵat 09:00-den bastap «Almaty-Óskemen – Qapal-Arasan» 0-45 shaqyrymynda deıin barlyq avtokólik túrleri úshin qozǵalys jabyldy», - delingen Almaty oblystyq tótenshe jaǵdaılar departamentiniń baspasóz qyzmetiniń habarlamasynda.
Sondaı-aq Qapal aýylynda 0-16 shaqyrym jol jabyq.
«Aýa raıynyń qolaısyzdyǵyna baılanysty tańǵy saǵat 04.00-den bastap «Saryózek-Kóktal-Qoǵaly-Kóksý-Qarabulaq» 0-94 shaqyrymy jabylyp, Araltóbe, Onjas, Qaspan, Qarymsaq jáne Maıtóbe aýyldaryna avtokólikter kire almaıdy. Sondaı-aq, «Qazavtojol» UK AQ Almaty oblystyq fılıaly men «Qazaqavtojol» JSHS Almaty oblystyq fılıalynyń habarlamasy boıynsha 11 saǵat 10 mınýttan bastap aýa raıyna jáne SHQO avtojoldarynyń jabylýyna baılanysty (boran, kórinýdi shekteý) jol qozǵalysy qaýipsizdigine qater tónýi, avtokóliktiń barlyq túrleri úshin «Almaty-Óskemen» respýblıkalyq mańyzy bar avtojolynda (Úsharal qalasy-SHQO shekarasy, 558-615 shaqyrymdary) qozǵalys jabyldy», - dep tolyqtyrdy atalǵan vedomstvonyń baspasóz qyzmeti.
Almaty oblysynyń TJD azamattardan osy baǵytta jol júrýden bas tartýdy jáne 112 qyzmetinen keletin SMS habarlamalardy nazardan tys qaldyrmaýdy suraıdy.
Uzaq jolǵa shyqqan kezde aýa raıyn tekserip, tótenshe jaǵdaılarda sizge kómektesetin barlyq qajetti zattardy ózińizben birge alyńyz. Aıta ketsek, dánekerleý shamy, arqan, dóńgelekterge arnalǵan tizbekter, kúrekter, parafın shamdary, sondaı-aq jyly kıim, qajetti qural-jabdyqtar, tamaq pen sý. Eger siz boran nemese qatty aıaz kezinde jolda bolsańyz, eger sizdiń kóligińiz eldi mekennen alys jerde nemese sizge tanys emes jerde toqtap qalsa, kólik ishinde qalyp, jolda ótip bara jatqan basqa kólikterdiń júrýin kútip nemese uıaly telefon arqyly «101» jáne «112» telefon nómerleri boıynsha kómek shaqyrǵan durys.
Aýa raıyna baılanysty eskertýler men ózge de shuǵyl aqparat alý úshin «Dármen» tegin mobıldi qosymshasyn júkteýge bolady.