Bastysy - balalar din aman.
25 qazanda saǵat 23:45-te Talǵar aýdany PB kezekshi bóliminiń púltine jergilikti turǵynnan kámeletke tolmaǵan balalardy izdestirýge járdem kórsetý týraly habarlama kelip tústi, dep habarlaıdy Almaty-akshamy.kz Polisia.kz-ke silteme jasap.
Qońyraý shalǵan adam sol kúni saǵat 10:30 shamasynda onyń 6 jasar uly kámeletke tolmaǵan aǵasymen jáne ápkesimen birge úıden shyǵyp, oralmaǵanyn aıtty.
Kámeletke tolmaǵandardy izdestirýge óńirdiń jeke quramy dereý baǵyttaldy jáne polısıanyń barlyq keshendi kúshteri men narádtaryna baǵdarlar jiberildi. Almaty oblysy polısıa departamenti bastyǵynyń jeke baqylaýynda bolǵan izdeý is-sharalaryna eriktiler de qosyldy. Nátıjesinde kezekshi táýlik ishinde kámeletke tolmaǵandardy Besaǵash aýylynan 12 shaqyrym jerde Besqaınar aýyldyq okrýginiń taýly jerinen “Tabaǵan” TA baǵytynda jergilikti turǵyn tapty. Qazirgi ýaqytta kámeletke tolmaǵan balalar úılerine aman-esen oraldy.
Al balalardyń ata-analary polıseılerge jáne izdeýge kómekteskenderdiń barlyǵyna shyn júrekten alǵystaryn bildirdi.