Almaty mańyndaǵy Túrksib aýdanynda ornalasqan «Alataý» bazasynda tótenshe jaǵdaılarǵa daıyndalý maqsatynda arnaıy shatyrly lager ashý josparlanýda. Bul týraly Tótenshe jaǵdaılar mınıstri Shynǵys Árinov málimdedi.
«Alataý bazasynyń basty ereksheligi – onyń 173 gektar ashyq aýmaǵy bar. Bul aımaq tektonıkalyq jaryqtar men qaýipti aımaqtardan alys, plato ústinde ornalasqan. Jol qatynasy yńǵaıly, temirjol da jaqyn mańda ornalasqan. Biz bul jerde jattyǵýlar ótkizemiz, sondaı-aq qajetti shatyrlar qory jetkilikti», – dep túsindirdi Árinov.
Tótenshe jaǵdaılar kezinde memlekettik materıaldyq rezerv júıesinde shatyrlar, tósekter jáne rúkzaktar sıaqty qajetti zattar qarastyrylǵan, bul tótenshe jaǵdaıda aman qalýǵa qajetti avtonomdy jaǵdaı jasaýǵa múmkindik beredi.
«Bul másele áli tolyq sheshilmese de, biz zardap shekkenderge termobele, jyly kıimder jáne basqa da qajetti qorǵanys quraldaryn usynýdy josparlap otyrmyz. Ár 10 adamǵa bir medısınalyq jınaq beriledi, onyń ishinde alǵashqy medısınalyq kómek kórsetýge arnalǵan quraldar bar. Sondaı-aq lagerde shatyrlar, uıyqtaýǵa arnalǵan qaptar, úsh kúnge arnalǵan azyq-túlik qory bolady», – dep tolyqtyrdy mınıstr.
Bul lager 50 myń adamǵa deıin ornalastyrýǵa bolady. Sonymen qatar, Tótenshe jaǵdaılar mınıstrligi Almaty mańynda osyndaı birneshe lager qurýdy josparlap otyr, bul bir mıllıonǵa deıin turǵyndy qaýipsizdikpen qamtamasyz etýge baǵyttalǵan.