Almatyda dýaldy bilim berý júıesi qarqyndy damyp keledi. Bul júıe teorıalyq bilim men praktıkalyq mashyqty ushtastyryp, stýdentterdiń eńbek naryǵyna daıyn bolýyna múmkindik beredi.
Qaladaǵy ındýstrıa, týrızm jáne qonaqjaılylyq koleji jyl saıyn júzdegen maman daıyndaıdy. Túlekterdiń basym bóligi meıramhanalar men qonaqúılerde tájirıbeden ótip, keıin mamandyǵy boıynsha jumysqa ornalasady.
Avtomehanıkalyq kolej de dýaldy oqytýdy belsendi engizýde. Stýdentter alǵashqy kýrstan bastap óndiristik praktıkadan ótedi. Jaqynda munda avtoservıske arnalǵan quzyret ortalyǵy ashylmaq.
Telekomýnıkasıa jáne mashına jasaý kolejiniń stýdentteri iri zaýyttarda tájirıbeden ótip, eńbekaqy men áleýmettik qoldaý alady. Bul olardyń kásibı qalyptasýyna qosymsha yntalandyrý beredi.
Qazirgi tańda Almatyda 88 kolej jumys isteıdi. Onda 85 myńnan astam stýdent oqıdy. Ótken oqý jylynda olardyń 17,5 myńy dýaldy júıe arqyly kásibı daıyndyqtan ótti.
Bul tájirıbe bilim berý men bıznestiń tıimdi áriptestigin kórsetip, jastardyń eńbek naryǵynda básekege qabiletti bolýyna jol ashýda.