Almatydaǵy Naýryzbaı batyr kóshesinde aıdyń basynan beri kók tústi jol tańbasy paıda boldy. «Almaty parkıng» mekemesi komýnaldyq aqyly turaq aımaǵy osylaı tańbalanatyn habarlady.
Bul jańalyq kólik júrgizýshilerine turaq aımaǵynda júrýge kómektesýge arnalǵan. Buryn aqyly avtoturaqtar tek 5, 10 jáne 20 sandary bar sheńbermen beınelengen aqparattyq taqta túrinde kórsetilgen. Alaıda mundaı belgiler árdaıym aqyly turaq shekaralaryn naqty kórsete bermeıdi.
«Kók tústi tańba Naýryzbaı batyr kóshesinde paıda boldy jáne odan ári barlyq komýnaldyq aqyly avtoturaqta qoldanylady. Tyǵyz trafık kezinde jol belgisi baıqalmaýy múmkin, al kók tańba nazar aýdartady. Bul qalalyq ınfraqurylymdy jaqsartý jáne Almaty turǵyndary men qonaqtary úshin jaılylyq deńgeıin arttyrý jónindegi baǵdarlamanyń bir bóligi. Kólik júrgizýshileri qazirdiń ózinde turaq aımaǵyn anyqtaý prosesin qarapaıym ári túsinikti etetin jańa júıeniń artyqshylyǵyn baǵalaı alady», - delingen «Almaty parkıngtiń» habarlamasynda.