Bıyl kásiporyn esebinen 263,6 mln teńgege 22 tehnıka satyp alynǵan.
«Almaty tazalyq» kásiporny qys maýysymyna daıyn. Óńirlik komýnıkasıalar qyzmeti alańynda ótken brıfıńke kásiporyn dırektory Ádilet Toqtasynov qatysty, tazalaý tehnıkalary men jumysshylardyń qazirgi daıyndyǵy týraly baıandady, dep habarlaıdy Almaty-akshamy.kz.
Almaty qalasy ákimdiginiń «Almaty tazalyq» kásipornynyń dırektory Ádilet Toqtasynovtyń aıtýynsha, qys kezinde kásiporyn 704 mamandandyrylǵan tehnıkany (612 birlik jekemenshik jáne 92 birlik qosalqy merdigerler) jumyldyrady.
«Qazirgi ýaqytta 173 quramaly tazalaý mashınalarynyń 156-sy (90%) joldardy qysta kútip ustaýǵa arnalǵan qondyrmalarmen aýystyryldy. 8 jáne 16 qarashada jaýǵan qar kezinde 2105 tonna tehnıkalyq tuz jáne 1998 tonna qum-tuz qospasy jumsaldy. Qala kóshelerinen qar úıindilerine 388 tekshe metr qar shyǵaryldy», - dedi ÓKQ spıkeri.
Sondaı-aq, onyń aıtýynsha, qysqy maýsymǵa kásiporynnyń 728 jol jumysshysy, 272 mehanızator jáne 398 júrgizýshisi jumyldyrylady (kásiporynnyń jalpy shtat sany 1728 adam). Sonymen qatar, kúzgi-qysqy kezeńge qosalqy merdigerler esebinen qala kóshelerindegi japyraqtar men qardy tazalaý jáne shyǵarý úshin 1000-ǵa jýyq jol jumysshylaryn jáne 200-ge jýyq arnaıy tehnıkany (samosvaldar, aldyńǵy tıegishter) tartý josparlanýda.
Sondaı-aq «Almaty tazalyq» mekemesiniń dırektory kásiporynnyń 7 óndiristik bazasy, sondaı-aq 7 qum bazasy bar ekenin aıtty. Olardyń barlyǵy qajetti materıaldyq-tehnıkalyq resýrstarmen jabdyqtalǵan.
Jol bóligine kóktaıǵaqqa qarsy materıaldar sebý úshin 15 myń tonna tuz jáne 38 myń tonna tuz qaldyǵy satyp alý josparlanýda, onyń ishinde 17 myń tonnaǵa jýyq tuz jáne 38 myń tonna tuz qaldyǵy daıyndaldy. Qosalqy merdigerler 2124 tonna tuz, 9700 tonna tuz qaldyǵyn daıyndaý josparlap otyr.
Aıta ketý kerek, bıylǵy jyldyń sońyna deıin komýnaldyq ınfraqurylymdy damytý basqarmasy 669,3 mln teńgege 17 tehnıka satyp alýdy josparlap otyr .
Sóz sońynda ÓKQ spıkeri bıylǵy jyly kásiporyn esebinen 263,6 mln teńgege 22 tehnıka satyp alynǵanyn qosty. Bul - traktordyń jartylaı tirkemesi, bıtým peshi jáne t.b tehnıkalar.
