«Qazaqstan barysy – 2023» respýblıkalyq týrnırine Almaty qalasynyń atynan qatysatyn balýandar belgili boldy
Anna 1/32 fınaldyq kezeńinde vengrıalyq tenısshi Tımeıa Baboshpen birge rýmynıalyq Monıka Nıkýleský men japonıalyq Makoto Nınomıany eki sette 6:1, 6:1 esebimen jeńdi. Mach 1 saǵat 4 mınýtqa sozyldy.
Almatydaǵy Balýan Sholaq atyndaǵy sport saraıynda qazaq kúresinen jyl saıynǵy «Qazaqstan barysy – 2023» respýblıkalyq týrnırine irikteý týrnıri ótti. Jarysqa Almaty qalasynan 16 balýan qatysyp, barlyǵy da bir salmaq nátıjesinde óner kórsetti.
Sporttyq is-shara qazaqstandyq estrada juldyzdarynyń, «Sáýlet» bı ansambliniń konserttik baǵdarlamasymen bastaldy. Qatysýshylar jerebe sýyryp, eń myqty balýan ataǵy úshin jekpe-jekke shyqty. Bul irikteý týrnıri Almaty qalasy ákimdigi, Halyqaralyq qazaq kúresi federasıasy, Qazaqstan Respýblıkasynyń Mádenıet jáne sport mınıstrligi jáne «Qazaqstan barysy» qazaq kúresin damytý qorynyń birlesken jobasy.
Ulttyq sport túrleri, onyń ishinde qazaq kúresi syndy ulttyq qundylyqtarymyz elimizdi álemge tanytady. Qazaq kúresiniń tárbıelik máni erekshe.
«Almaty barysy – 2023» ataǵyn balýan Janserik Jumabaı jeńip aldy, kúmis Aıbek İztileýovke, al qola Ábdiqasym Sahanǵa buıyrdy. Altyn jáne kúmis júldeger «Qazaqstan barysy – 2023» respýblıkalyq týrnırine joldama aldy. Jarystyń júlde qory – 1 mıllıon teńge. 1-orynǵa 500 myń, 2-orynǵa 300 myń, 3-orynǵa 200 myń teńge berildi.
Qazaq kúresi boıynsha týrnır jyl saıyn salaýatty ómir saltyn jáne jastar arasynda ulttyq sport túrlerin nasıhattaý maqsatynda ótkiziledi. Ulttyq kúres 1938 jyldan beri respýblıkalyq jarystar baǵdarlamasyna kiredi. Eń birinshi jarys osy jyly aýyl sharýashylyǵy aımaqtary arasyndaǵy spartakıada aıasynda ótken. Sodan bastap dástúrli túrde respýblıka qalalarynda turaqty ótkizilip keledi. Al «Qazaqstan barysy» respýblıkalyq týrnıri 2012 jyldan beri jyl saıyn uıymdastyrylady
Bolat AHMETBEKULY,
Almaty qalasy Qazaq kúresi federasıasynyń tóraǵasy, jarystyń bas tóreshisi:
– «Almaty barysy – 2023» respýblıkalyq týrnırge irikteý jarysy retinde ótti. 16 balýan beldesip, eń myqtysy joldama jeńip aldy. Týrnırge Almaly aýdanynan basqa 7 aýdannan iriktelgen 90 kılogramm salmaqtan joǵary balýandar qatysty. Ár aýdannan 3 balýannan irikteldi. Jaraqat alǵan balýandar qatysa almady. «Qazaqstan barysy – 2023» týrnıri 1 shildege josparlanyp otyr. 2 balýanymyz qala namysyn qorǵaıtyn bolady.