Bul jospar 2023 jyldyń 1 qańtarynan bastap iske asa bastaıdy.
Qoǵamdyq keńes múshelerimen, máslıhat depýtattarymen jáne saraptamalyq qoǵamdastyq ókilderimen bolǵan kezdesý barysynda Almaty ákimi Erbolat Dosaev qarjylandyrý tártibi týraly suraqqa jaýap berdi, dep habarlaıdy Almaty-akshamy.kz.
«Oblys ákimdikteriniń jeke tolyqqandy búdjeti bolady dep josparlap otyrmyz. Memleket basshysy bul oıdy qoldady. 2023 jyldyń 1 qańtarynan bastap iske asyra bastaımyz. Aǵymdaǵy jol jóndeý jumystaryn, sonyń ishinde shuqyrlardy tegisteýdi, AÁK esepteý máselelerin, mektepke deıingi tárbıe, sanıtarlyq tazartý jáne aǵashtardy kesý jáne taǵy birneshe paketterdi aýdandarǵa aýystyramyz. Bul sheshimniń qajettiligine qalanyń 8 aýdanynda ótken 8 jıynnan keıin kóz jetkizdim – máselelerdiń jartysynan kóbi aýdan ákimderiniń quzyrynda. Esep berý kezdesýlerinde aqshasy baryn, ne jóndegenin, neni josparlaǵanyn, t.b. aıtyp bere alady. Búginde aýdan ákimderi belsendi jumys istep jatyr, biraq turǵyndarymyzdyń kókeıtesti máselelerin sheshýge múmkindikteri de, ókilettigi de joq. Bul tańǵalarlyq jaǵdaı, oblystyq ákimdikterdiń búdjeti barlyq respýblıkalyq mańyzy bar qalalarda, oblys ortalyqtarynda joq», - dedi Almaty ákimi Erbolat Dosaev.