Dombyranyń úni tek kúmbirleı bersin, asqaqtaı bersin!
Almatyda «Án dombyra, jyr dombyra, kúı dombyra» atty merekelik kesh ótti, dep habarlaıdy Almaty-akshamy.kz Almaty.tv silteme jasap.
Ulttyq dombyra kúnine arnalǵan sharany respýblıkalyq Dostyq úıi men Qazaqstan ázirbaıjandarynyń qaýymdastyǵy uıymdastyrǵan. Mereke quttyqtaý sózden bastalyp, ármen qaraı kúmbirlegen dombyra kúılerimen jalǵasyn tapty. Mýzykalyq keshke qazaq óneriniń maıtalmandary, belgili kúıshiler men dástúrli ánshiler qatysty.
«Men mundaı is-sharalardy aldaǵy kezde de jalǵastyrsam ba dep oılaımyn. Óıtkeni bizdiń qazaqtyń qasyna etnostardy toptastyratyn, uıystyratyn - bul ádebıteti, mádenıeti, jyry men dastany», – dedi respýblıkalyq Dostyq úıiniń jetekshisi Nursáýle Áltekova.
«Ulttyq dombyra kúnine arnalǵan is-sharamyz keńinen nasıhattala berse eken dep men shyn júregimnen aıtqym keledi. Osyndaı ashyq aspan astynda ótkizip jatqan shara úshin uıymdastyrýshylar alqasyna alǵysymdy aıtqym keledi. Dombyramyzdyń úni tek kúmbirleı bersin, asqaqtaı bersin! Osyndaı jas óren urpaqtarymyzǵa keıinge mura bolyp qala beredi dep aıtqym keledi», – dedi «Shańyraq» áleýmettik qyzmet kórsetý ortalyǵynyń qyzmetkeri Nurbolat Isaev.