26 mamyrda Erbolat Dosaev Jetisý aýdanynyń turǵyndarymen kezdesedi.
Almaty ákimi Erbolat Dosaevtyń halyqpen tórtinshi kezdesýi Naýryzbaı aýdanynda ótti. İs-sharaǵa 500 aýdan turǵyny keldi, dep habarlaıdy Almaty-akshamy.kz.
Almaty ákiminiń aqparaty boıynsha, Naýryzbaı aýdany qurylǵannan beri 2014 jyly qaryz ınvestısıalarynyń kórsetkishteri 16 esege, salyq túsimderi 45 esege, óndiris kólemi 2 esege, SMB sýbektileriniń sany 7 esege – 1 345-ten 9 796-ǵa deıin ósti.
Halyqpen kezdesý barysynda Almaty ákimi aýdannyń negizgi problemalyq máselelerin, onyń ishinde áleýmettik ınfraqurylymmen, ınjenerlik jelilermen qamtamasyz etý, qalany abattandyrý, erekshe qajettilikteri bar adamdarǵa jaǵdaı jasaý jáne t.b. máselelerdi atap ótti.
Búginde aýdan turǵyndarynyń tek 30%-y taza aýyz sýmen qamtamasyz etilgen, kópshiligi ashyq sý qoımalary men jeke skvajınalardaǵy sýdy paıdalanady. Almaty ákimi barlyq turǵyndardy taza aýyz sýmen qamtamasyz etý basym mindet ekenin atap ótti. Ol úshin 8 shaǵyn aýdanda 150 km sý qubyry (80% aıaqtaldy) jáne 75 km káriz jelileriniń (95% aıaqtaldy) qurylysy júrgizilýde. Bıylǵy jyly zamanaýı tazartý júıesi bar «Qarǵaly» sý tartqyshynyń qurylysy aıaqtalady, Aqsaı ózeninde sý tartý qurylysyn salý josparlanýda.
Óziniń sózinde Erbolat Dosaev Naýryzbaı aýdanynda 282 transformatorlyq qosalqy stansıanyń jeke menshikte ekenin atap ótti. Olardyń paıdalanýshylary elektr energıasy úshin qala boıynsha ortasha eseppen 2 ese kóp tóleıdi. Bul rette olardyń tozýy 80%-ǵa jetken. Máseleni sheshý úshin ákimdik transformatorlyq qosalqy stansıalar men jelilerdi qala menshigine berýmen aınalysady. Búgingi tańda 77 qosalqy stansıa «Alataý Jaryq Kompanıasy» AQ balansyna berildi, taǵy 39-y jaqyn arada beriletin bolady.
Naýryzbaı aýdanynda baǵyttardyń tapshylyǵy baıqalady, aıaldamalar jetispeıdi. Aǵymdaǵy jyly aýdanda 3 jańa baǵyt ashylady, qoldanystaǵy 5 baǵyt kúsheıtiledi. 8 aıaldama keshenin ornatý josparlanýda, 27 ýchaskede «Aıaldama» belgisi bar tireýler qoıylady. Qoǵamdyq kólikti odan ári damytý maqsatynda Abaı dańǵyly boıynda Iassaýı kóshesinen batys baǵytta Áshimov kóshesiniń qıylysyna deıin ornalasqan «Qalqaman» metro stansıasynyń qurylysy bastaldy.
Bıyl Naýryzbaı aýdanynda uzyndyǵy 14,5 km joldyń, sáýir aıynda Aqjar shaǵyn aýdanyndaǵy 89 kóshede 45 km joldyń qurylysy bastaldy. Abaı dańǵylyn aýdannyń ákimshilik ortalyǵynan qala shekarasyna deıin uzyndyǵy 600 metr etip uzartý jalǵasýda. Ol úshin 73 jer ýchaskesi satyp alynady, onyń 41-i satyp alyndy. Aǵymdaǵy jyldyń sońyna deıin Jubanov kóshesin Momyshuly kóshesinen qala shekarasyna deıin uzartýdy jobalaý aıaqtalady. Erbolat Dosaev barlyq jobalardy iske asyrý barysynda magıstraldyq jol jelisi júıeliliginiń jaqsaratynyn jáne Naýryzbaı aýdanyn megapolıstiń iskerlik ortalyǵy jáne kólik aǵynymen qamtamasyz etiletinin atap ótti.
Áleýmettik nysandardyń jetispeýshiligi máselesin sheshý úshin jańa medısınalyq mekemelerdiń, mektepter men balabaqshalardyń qurylysy jalǵasady. Búgingi kúni aýdan emhanalarynda josparly qýattyń artqany baıqalady. Almaty ákimi aldaǵy ýaqytta Quramys shaǵyn aýdanynda 500 oryndyq emhana jáne Aqjar shaǵyn aýdanynda 200 oryndyq dárigerlik ambýlatorıa salý josparlanǵanyn aıtty. Sonymen qatar, «Alma sıtı», «Nurly dala» turǵyn úı keshenderi aýdanynda emhana salý úshin jer ýchaskesin satyp alý múmkindigi qarastyrylýda.
Aýdan mektepterindegi oryn tapshylyǵy taıaý jyldary bala týýdyń joǵary bolýyna jáne ishki kóshi-qonǵa baılanysty saqtalatyn bolady. Máseleni sheshý úshin 4 500 oryndyq 3 mekteptiń qurylysy belsendi júrgizilýde. Ótken jyly Aqjar jáne Rahat shaǵyn aýdandarynda 2 jekemenshik mektep ashyldy, bıyl Qalqaman shaǵyn aýdanda 1800 oryndyq memlekettik mektep paıdalanýǵa berildi.
Mektepke deıingi mekemelerde tapshylyq 5 myń orynnan asady. Jyl basynan beri jeke ınvestısıalardy tartýmen aýdanda 400 oryndyq 7 jekemenshik balabaqsha ashyldy. Jyl sońyna deıin taǵy 200 oryndyq 5 jekemenshik balabaqsha ashylady.
Baıandama barysynda Erbolat Dosaev aýdan turǵyndary úshin qoǵamdyq keńistikter qurýǵa erekshe nazar aýdardy. Qazirgi ýaqytta Shuǵyla shaǵyn aýdanynda Inovasıalyq shyǵarmashylyq ortalyq pen jalpy aýmaǵy 5,5 ga bolatyn saıabaq alańy salynýda. Joba aıasynda mektep, balabaqsha, 500 kelýshige arnalǵan emhana, 100 kelýshige arnalǵan dene shynyqtyrý-saýyqtyrý kesheni, órt sóndirý deposy jáne taǵy 1 skver qarastyrylǵan.Aýdanda Qarǵaly ózeniniń jaǵalaýyn selden qorǵaý bógetinen Jandosov kóshesine deıin qaıta jańartý josparlanýda. Abattandyrý ýchaskesiniń aýdany 4,6 ga quraıdy. Jumystar kelesi jyly bastalady.
Naýryzbaı aýdanynda erekshe qajettilikteri bar adamdardyń ósý úrdisi baıqalady – ıaǵnı 2,8 myńnan astam. Jumys isteıtin múgedekterdi qoldaý úshin aǵymdaǵy jyldyń basynan beri áleýmettik jumys oryndaryn sýbsıdıalaý mólsheri 63 myńnan 92 myń teńgege deıin artty. Aýdannyń áleýmettik ınfraqurylymynyń 25 obektisi erekshe qajettilikteri bar adamdarǵa beıimdeletin bolady. 3 jerústi jaıaý júrginshiler ótkelin jóndeý josparlanýda, lıftiler jóndeletin bolady, olardy paıdalaný tek múmkindigi shekteýli adamdarǵa arnalǵan.
Aǵymdaǵy jyly «Halyqtyq búdjetke qatysýy» jobasy aıasynda qala basshysynyń tapsyrmasy boıynsha Naýryzbaı aýdany úshin qarjylandyrý kólemi 500 mln teńgege – ıaǵnı 1,8 mlrd teńgege deıin ulǵaıtyldy. Turǵyndardyń usynystary boıynsha jaıaý júrginshiler aımaqtaryn abattandyrý men kógaldandyrý, balalardyń oıyn jáne sport alańdaryn jasaý, jaryqtandyrýdy júrgizý,shaǵyn sáýlet pishinderin ornatý, aýdan turǵyndarynyń bos ýaqytyn ótkizý úshin skverler salý, sondaı-aq Tastybulaq ózeniniń jaǵalaýyn abattandyrý jáne aǵashtar otyrǵyzý, aýla aýmaqtaryn aǵymdaǵy jóndeý boıynsha 47 joba irikteldi.
Almaty ákimimen kezdesý barysynda turǵyndar joldardy, káriz jáne elektr jelilerin jóndeý, shyǵarmashylyq úıirmelerdi, sport seksıalaryn jáne t. b. jan basyna qarjylandyrý máselelerin kóterdi.
Memleket Basshysy Qasym-Jomart Toqaevtyń Jarlyǵymen bekitilgen halyqpen kezdesýlerdiń jańa formatyna sáıkes jyl sońyna deıin Erbolat Dosaev Halyqpen 24 kezdesý ótkizedi – toqsan saıyn 8 aýdannyń turǵyndarymen bir-bir kezdesý.
Eske salsaq,Almaty ákiminiń halyqpen alǵashqy kezdesýi 14 sáýirde Bostandyq aýdanynda, ekinshisi – 28 sáýirde Alataý aýdanynda, úshinshisi – 12 mamyrda Áýezov aýdanynda ótti.
