Almaty ákimi Erbolat Dosaevtyń halyqpen kezekti kezdesýi Medeý aýdanynda ótti. Qala basshysy aýdannyń damýy jáne turǵyndardan túsken usynystar boıynsha atqarylǵan jumystar týraly aıtyp berdi. Kezdesýge 350-den astam adam keldi, dep habarlaıdy Almaty-akshamy.kz.
Aýdanda ınjenerlik jáne kólik ınfraqurylymyn modernızasıalaý máselesi ózekti bolyp qala beredi. Ótken jyly 5,4 km sýmen jabdyqtaý jáne káriz jelileri salyndy jáne qaıta jańartyldy. 2023 jyly taǵy 64,7 km salý josparlanǵan, nátıjesinde alty shaǵynaýdannyń 19 myńnan astam turǵyny qajetti komýnıkasıalarǵa qol jetkize alady. Budan basqa, "Dýman" shaǵynaýdanynda 14 km sý qubyry jáne káriz jelilerin salýǵa JSQ ázirlenýde.
Sondaı-aq, aǵymdaǵy jyldyń sońyna deıin "Tasty ústirt", "Kólsaı", "Muztaý" jáne "Ońtústik" shaǵynaýdandaryn sapaly aýyz sýmen qamtamasyz etý úshin 4 jańa sý kózderin salý jáne "Balqash" rezervýarlary men sorǵy stansıasyn tolyq rekonstrýksıalaý josparlanýda.
Jol ınfraqurylymy jáne qaýipsizdik máseleleri boıynsha
Ótken jyly 27 shaqyrymnan astam jol jóndelip, 18 shaqyrymnan astam trotýar jasaldy. 2023 jyly 37 kóshede taǵy 32 shaqyrym joldy jóndeý, aǵymdaǵy jóndeýmen 50 myń sharshy metrdi qamtý josparlanýda. Jyljymaly sostavty jańartý úshin aǵymdaǵy jyly 8 baǵytta 126 avtobýs qarastyrylǵan.
Almaty ákimi aýdannyń qoǵamdyq qaýipsizdigin qamtamasyz etý sharalary týraly máselelerge toqtaldy. Tájirıbe kórsetkendeı, aýdandaǵy qylmystardyń 80%-y beınebaqylaý kameralary arqyly ashylady. Aǵymdaǵy jyly Almatyda 6000-nan astam kamera ornatý josparlanǵan, onyń 755-i Medeý aýdanynda bolady. Qazirgi ýaqytta olardy ornatý úshin kósheler tizimi daıyndalýda.
Oqýshy oryndarynyń tapshylyǵyn azaıtý úshin bıyl №48 mekteptiń janynan 250 oryndyq qosalqy nysandy qaıta jańartý jáne №131 mektepti seısmıkalyq kúsheıtýmen kúrdeli jóndeý aıaqtalady. "Jaıly mektep" ulttyq jobasy aıasynda "Shyǵys qaqpasy" jańa polısıa ortalyǵynyń aýmaǵynda 2000 oryndyq jańa mektep salynady.
Aýdanda mektepke deıingi tárbıeni uıymdastyrýǵa, sondaı-aq balalardy saýyqtyrýǵa kóp kóńil bólinedi. Aǵymdaǵy jyly 2 balabaqshany kúrdeli jóndeý josparlanǵan. Aǵymdaǵy jyldyń ekinshi toqsanynda "Alataý" shaǵynaýdanynda dene shynyqtyrý-saýyqtyrý kesheniniń ashylýy josparlanǵan.
Medısınalyq qyzmet kórsetýdiń qadamdyq qoljetimdiligin qamtamasyz etý úshin aǵymdaǵy jyldyń qańtar aıynda aýysymda 200 adam qabyldaıtyn otbasylyq-dárigerlik ambýlatorıa jáne 2 feldsherlik-ambýlatorıalyq pýnkt ashyldy, bul "Keńsaı", "Kólsaı" jáne "Sulýsaı" shaǵynaýdandarynyń 15 myńnan astam turǵynyn medısınalyq qyzmet kórsetýmen qamtamasyz etýge múmkindik berdi.
Aýdan turǵyndaryn jaıly ómir súrý ortasyn jetildirý jáne abattandyrý máseleleri tolǵandyrady. Ótken jyly Oqýshylar saraıynyń janyndaǵy skverdi abattandyrý jáne kógaldandyrý jumystary júrgizildi. Memlekettik murajaıdyń janyndaǵy saıabaqty qaıta qurý jalǵasýda.
"Halyq qatysatyn búdjet" baǵdarlamasy boıynsha ótken jyly 19 joba iske asyrylyp, 20 aýla men Kishi Almaty ózeniniń jaǵalaýy abattandyryldy. Aǵymdaǵy jyly osy baǵdarlama boıynsha 30 joba iske asyrylatyn bolady, onyń ishinde aýla aýmaqtaryn jóndeý, qoǵamdyq oryndardy abattandyrý jáne tereńdetilgen konteınerlerdi ornatý jobalary bar.
Almaty ákimimen kezdesý barysynda turǵyndar joldardy jóndeý, káriz jáne elektr jelilerin abattandyrý, t.b. máselelerdi kóterdi.