Bul týraly Almaty qalasynyń ákimi Erbolat Dosaev málimdedi.
2022 jyly ákimdik 3 balabaqshada (№114, 116, 141) seısmıkalyq kúsheıtý jumystarymen birge kúrdeli jóndeý júrgizdi. Osy jyly 2 balabaqshada – «Áıgerim» jáne №112 balabaqshalarda kúrdeli jóndeý júrgizý josparlanǵan. Uzaq merzimge jalǵa berilgen «Áıgerim» balabaqshasy memleket menshigine qaıtaryldy. Qazir balabaqshanyń jobalaý-smetalyq qujattamasy ázirlenip jatyr, aıaqtalý merzimi – 2023 jyldyń mamyr aıy. №112 balabaqsha boıynsha saraptama qorytyndysy alyndy. Qurylys-montajdaý jumystary osy jyldyń mamyr aıynda bastalady.
Bıyl "Alataý" shaǵynaýdanynda dene shynyqtyrý-saýyqtyrý keshenin ashý josparlanýda. Keshen qazan aıynda paıdalanýǵa berilýi kerek edi, alaıda jobadaǵy ózgeristerge baılanysty merzimderi uzartyldy. Qazirgi ýaqytta keshenniń 90%-y daıyn.