Almaty ákimi Darhan Satybaldy otandyq jáne sheteldik ınvestorlardyń qatysýymen ınvestısıalyq shtabtyń otyrysyn ótkizdi.
Otyrysta qalanyń negizgi ekonomıkalyq salalaryn damytýǵa baǵyttalǵan 8 joba qaraldy. Jobalar farmasevtıka, qurylys, týrızm, halyq tutynatyn taýarlar óndirisi, IT jáne sıfrlandyrýdy qamtıdy.
Qala basshysy ındýstrıalyq aımaqtarda iske asyrylatyn jobalardy irikteý kezinde joǵary qosylǵan qunǵa ıe, eksporttyq áleýeti bar jáne ınovasıalyq tehnologıalardy engizetin bastamalarǵa basymdyq berilýi tıis ekenin atap ótti.
«Árbir ınvestısıalyq joba Almatyǵa tek ekonomıkalyq paıda ákelip qana qoımaı, aıqyn áleýmettik áser berýi kerek – óndiristi damytýǵa, salyq túsimderin arttyrýǵa jáne qala turǵyndary úshin jumys oryndaryn ashýǵa yqpal etýi qajet. Bizdiń maqsatymyz – berilgen árbir jer ýchaskesi qalanyń jáne onyń turǵyndarynyń ıgiligine jumys isteýi», – dep atap ótti ákim.