Másele baqylaýda
Jelide jańadan tóselgen asfálttyń astynda qalyp ketken dóńgelektiń fotosy paıda boldy. Bul sýret Aqbulaq yqsham aýdanyndaǵy jol jóndeý jumystarynan keıin túsirilgen, dep habarlaıdy Almaty-akshamy.kz QazAqparat-qa silteme jasap. Almaty qalasy ákimdigi baspasóz qyzmetiniń málimetinshe, yqsham aýdandaǵy kósheniń birine asfált tóseý kezinde turǵyndar ol jerde metal lúgy baryn habarlaıdy. Alaıda, 0.6 metr tereńdiktegi qudyq jol negizin daıyndaý kezinde baıqalmaǵan.
«Turǵyndar lúk ornalasqan jer belgili bolý úshin ústine dóńgelek qoıǵan. Kelesi kúni ol jer qazyldy. Keıin betondaý men asfálttaý arqyly qajetti deńgeıge kóterildi. Qazirgi ýaqytta tehnıkalyq qadaǵalaý mamandary men turǵyndar birlesip, basqa da lúkterdi anyqtaý maqsatynda yqsham aýdandaǵy kóshelerdi qarap shyǵýǵa kiristi. Másele baqylaýda», - dep habarlady ákimdikten.