Eski tıpti vagondarǵa shaǵym kóp
Bul týraly «Jelmaıa» jobasyna suhbat bergen «Jolaýshylar tasymaly» AQ resmı ókili Mádı Muhamedqalı málimdedi, dep habarlaıdy Almaty-akshamy.kz BAQ.KZ-ke silteme jasap.
Aıtýynsha, jolaýshylar keıde vagondardyń eskiligine shaǵym aıtyp jatady.
«Jolaýshylar tarapynan eski tıpti vagondarǵa qatysty shaǵymdar túsetini jasyryn emes. Biraq bizden bólek jekemenshik tasymaldaýshy 10 shaqty kompanıa bar. Olar Indýstrıa jáne ınfraqurylymdyq damý mınıstrligine tikeleı qaraıdy. Baqylaý fýnksıasy da tikeleı sol vedomstvonyń quzyretinde», - dep atap ótti kompanıanyń resmı ókili.
Sondaı-aq ol jazda qaı baǵytqa adamdar kóp qatynaıtynyna toqtaldy.
«Bizdiń qaramaǵymyzda 2200-den astam vagon bar. Jazǵy maýsymda 158 baǵyt boıynsha poıyzdar qatynaıdy. Máselen, eń tanymaly – Alakól baǵyty. Bıyl atalǵan baǵytqa talgo poıyzdaryn qostyq. Odan bólek, talgo poıyzdarynyń úsheýi – Nur-Sultan qalasynan, beseýi – Almaty qalasynan, bireýi – Óskemennen, bireýi» – Abaı oblysynan jáne Aqtoǵaıdan Dostyqqa qatynaıtyn barlyq poıyz bar, - dedi Mádı Muhamedqalı.
Qazirgi ýaqytta poıyzǵa bılettiń jetpeı jatqandyǵyn bylaı túsindirdi.
«Pandemıadan soń halyq demalysqa shyǵyp, qydyrǵysy keledi. Odan bólek, halyqaralyq poıyzdar qosyldy. Mysaly, Atyraýdan Astrahanǵa, Almatydan Tashkentke, Beıneýden Núkiske qatynaıtyn poıyzdar bar. Sondaı-aq qazir tranzıttik poıyzdar shyqty», - deıdi ol.