Qaladaǵy jaryqtandyrýdy qajet etetin 531 kóshe bolsa, onyń 48-i Alataý aýdanynda.
Bul týraly Almaty qalasynyń ákimi Erbolat Dosaev turǵyndarmen kezdesýde aıtty, dep habarlaıdy Almaty-akshamy.kz
«Men Alǵabastaǵy Jańaqurylys turǵynymyn. Bizdiń kóshelerimizge qashan jaryq qoıylady?» - dep surady aýdan turǵyny qala basshysynan.
«Biz sottasyp bolǵan soń, «Almatyjaryq» qaıtadan ózimizge ótti. Qalada barlyǵy jaryqtandyrýdy qajet etetin 531 kóshe bolsa, onyń 48-i Alataý aýdanynda. Alǵabastaǵy jaryqtandyrý máselesi jańa joldardy salý jobasynyń ishinde qarastyrylǵan. Jol qurylysy aıaqtalǵan soń, kóshelerge jaryq júrgiziledi. Bul jumystardy kelesi jylǵa josparlap otyrmyz», - dedi Erbolat Dosaev.