"Bir apta ishinde 10 túrli taýardyń, atap aıtsaq: qyryqqabat (9,7%), pıaz (1,3%), qaraqumyq jarmasy (1,1%), taýyq eti (0,6%), kúrish (0,4%), kúnbaǵys maıy (0,4%), makaron ónimi (0,2%), qant, súzbe jáne un baǵasy (0,1%) tómendedi. Jalpy, elimizde negizgi azyq-túlik baǵasynyń ındeksi 0,1%-ǵa tómendep otyr. Baǵa 11 oblysta, ásirese Almaty, Pavlodar, Shyǵys Qazaqstan jáne Batys Qazaqstan oblystarynda aıtarlyqtaı tómendedi", — dep atap ótti saýda jáne ıntegrasıa birinshi vıse-mınıstri Aıjan Bıjanova.
Ońtústik óńirlerde erte pisetin kókónisterdi jınaý naýqany bastalyp jatyr. Aýyl sharýashylyǵy vıse-mınıstri Erbol Tasjúrekovtiń aıtýynsha, erte pisetin kartop – 219 myń tonna, qyryqqabat – 105 myń tonna, sábiz – 32 myń tonna, pıaz – 66 myń tonna kóleminde kútilýde. Bul kólem maýsym-shilde aılarynda halyqtyń atalǵan kókónisterge degen qajettiligin qanaǵattandyrýǵa jetkilikti.
"Óndirýshilerden megapolısterge tikeleı jetkizýdi qamtamasyz etý úshin Aqmola, Almaty, Shyǵys Qazaqstan, Jambyl, Jetisý, Qaraǵandy, Pavlodar, Soltústik Qazaqstan jáne Túrkistan oblystaryndaǵy aýyl sharýashylyǵy ónimin óndirýshilerdiń tizimi quryldy, barlyǵy 900-den astam kásiporyn. Málimetter Astana, Almaty jáne Shymkent ákimdikterine kókónisterdi jetkizý kelisimderin jasaý úshin berildi", — dep atap ótti Erbol Tasjúrekov.
Keńes qorytyndysy boıynsha Serik Jumanǵarın ákimdikterge aldaǵy maýsymaralyq kezeńde erte pisetin jáne kúzgi kókónisterdi jetkizý úshin kelisimge otyrý jumystaryn jandandyrýdy tapsyrdy.