Qazaqstanda memlekettik qoldaý sharalarynyń qoljetimdiligi men ashyqtyǵyn qamtamasyz etý maqsatynda pılottyq rejımde «Áleýmettik ámıan» jobasy iske asyrylýda.
Ol oqýshylarǵa proaktıvti rejımde tegin ystyq tamaq berýdi kózdeıdi, dep habarlaıdy aqshamnews.kz.
Úkimettiń Telegram kanalynda jarıalanǵan aqparatqa saı, qyzmetti memlekettik qoldaýdyń barlyq sharalary jınaqtalǵan eGove Mobile platformasynyń kómegimen paıdalanýǵa bolady. Búgingi tańda jobaǵa 2 myń mektep qosylyp, 200 myńnan astam ystyq túski as berildi.
«Buryn ystyq tamaq úshin azamattar qujat jınaıtyn. Olar osy sanatqa jatatyndyǵyn rastady, ıaǵnı olardyń quqyǵy bar nemese joq ekenin anyqtaıtyn. Qazirgi ýaqytta olar jaı ǵana sizge ystyq tamaq berilýi kerek degen habarlamany alady. Iaǵnı, “alǵyńyz kele me, joq pa?” degen. Eger kelisim berseńiz, vaýcher avtomatty túrde jasalady, olar ony iske qosady jáne ystyq tamaq beriledi. Oǵan 3-5 mınýt qana ýaqyt ketedi», — dedi «Áleýmettik ámıan» jobasynyń jetekshisi Farabı Qaldybıev.