Bulardyń qataryna Iemen, Sýdan, Ońtústik Sýdan, Gaza sektory jáne basqa da Afrıka elderi kiredi.
BUU azyq-túlik jáne aýyl sharýashylyǵy uıymynyń dırektory Oleg Kobákov RIA Novostıge bergen suhbatynda álemniń 17 elinde azyq-túlik máselesi shıelenisýi múmkin ekenin aıtty, dep habarlaıdy Almaty-akshamy.kz
"Ashtyqqa ushyraǵandar sany týraly qujat bar - bul dúnıejúzilik azyq-túlik baǵdarlamasymen birge shyǵarylǵan qujat, onda ashtyq dendegen elder kórsetiledi.... Mundaı aqparat taıaý kúnde ǵana shyqty jáne qazirgi tendensıa saqtalatyn bolsa álemniń taǵy 17 elinde azyq-túlikke qatysty ahýal nasharlaýy múmkin dep boljanyp otyr", - dedi Kobákov.
Ol asharshylyq dendegen dástúrli elder qataryna Iemen, Sýdan, Ońtústik Sýdan, Gaza sektory jáne qarýly qaqtyǵystar, klımattyń ózgerýiniń jaǵymsyz áserleri, tabıǵı apattar bolǵan basqa da birqatar Afrıka elderi kiretinin aıtty.
BUU azyq-túlik jáne aýylsharýashylyǵy uıymy (Food and Agriculture Organization - FAO) - bul ártúrli elderdiń azyq-túlik resýrstary men aýyl sharýashylyǵyn damytý máselelerimen aınalysatyn úkimetaralyq halyqaralyq uıym. Uıym ashtyqpen kúresýge baǵyttalǵan halyqaralyq qyzmette jetekshi ról atqarady.