Birqatar elde koronavırýsqa shaldyqqandardyń táýliktik ósýi boıynsha antırekordtar tirkeldi
Kanadada bılik vaksınalanbaǵan azamattarǵa salyq salýǵa nıetti. Jańashyldyqtar Kvebek provınsıasyna áser etedi, dep habarlaıdy Almaty-akshamy.kz Covid-19 taralýyna jol bermeý jónindegi VAK-tyń Telegram kanalyna silteme jasap.
"Densaýlyq saqtaý jarnasy" dep atalatyn salyqty vaksınalaýdan bas tartqan adamdar tóleýi kerek. Provınsıa Premer-Mınıstriniń aıtýynsha, bul sharalar "bas tartýshylardyń” barlyq turǵyndar úshin qarjylyq aýyrtpalyq týdyrýyna baılanysty qabyldanýda.
Portýgalıada elge kelgen kezde koronavırýsqa testileýdiń teris nátıjesi bolmaǵan 2200-den astam saıahatshyǵa bılik 1-10 qańtar aralyǵynda aıyppul saldy. Atalǵan saıahatshylarǵa koronavırýsqa tekserýdiń bastapqy teris nátıjesinsiz kirýge ruqsat bergeni úshin barlyǵy 41 avıakompanıaǵa aıyppul salyndy.
Birqatar elde koronavırýsqa shaldyqqandardyń táýliktik ósýi boıynsha antırekordtar tirkeldi: Fransıada — 368 149 jaǵdaı, Italıada — 220 532, Argentınada — 134 439, Túrkıada — 74 266, Bolgarıada — 7 062 jaǵdaı.