Búgingi tańda KVI juqtyrǵandardyń sany álem boıynsha 221 mln astam adamǵa jetken.
Dúnıejúzilik densaýlyq saqtaý uıymy tamyzdyń sońǵy kúnderimen salystyrǵanda álemde aýrýshańdyq kórsetkishi tómendegenin aıtady, dep habarlaıdy Almaty-akshamy.kz COVID-19 taralýyna jol bermeý jónindegi VAK-ǵa silteme jasap.
Dúnıejúzilik densaýlyq saqtaý uıymy qyrkúıekten bastap álemde COVID-19 aýrýy tómendeı bastaǵanyn aıtady. Qyrkúıektiń birinshi aptasynda 700 myńnan astam koronavırýs tasymaldaýshylary anyqtalǵan tamyzdyń sońǵy kúnderimen salystyrǵanda álemde aýrýshańdyq kórsetkishi tómendedi.
Qazir ortasha kórsetkish 600 myń adam deńgeıinde qalyptasty. SARS-CoV-2 vırýsynyń taralý qarqyny Ońtústik Amerıka men Ońtústik Azıa elderinde tómendedi. DDSU málimetteri boıynsha, búgingi tańda álemde 221 mıllıonnan astam adam koronavırýs juqtyrǵan.
Álem boıynsha ekpe alǵandardyń sany artyp keledi. Resmı málimet boynsha, Qytaıda halyqtyń 80% - ǵa jýyǵy ımmýndalǵan.
«Búkil el boıynsha 2,113 mlrd ekpe jasaldy, 1 komponentti alǵan azamattar sany 1,095 mlrd-qa jetti, halyqty qamtý úlesi 77,6% - dy qurady», – dedi QHR Gıgıena jáne densaýlyq saqtaý jónindegi memlekettik komıtetiniń ókili Ý Lánú.
969 mıllıon qytaı azamaty koronavırýstyq ınfeksıaǵa tolyǵymen egildi. COVID-19 anyqtalǵannan keıin, Qytaı syrtqy jáne ishki shekaralardy birden jaýyp tastady jáne qazir bul el búkil álemde vırýs juqtyrǵan adamdar sany boıynsha 109-shy orynda. Búgingi tańda koronavırýstyń 95 064 faktisi tirkelip, 4 636 adam qaıtys boldy.