Bul is-sharany Eýropanyń Ǵarysh agenttigi qolǵa aldy.
Osy mısıany júzege asyrý úshin 19 jasynda motosıklden qulap, oń aıaǵynan aıyrylǵan Djon Makfol tańdalyp alyndy. 41 jastaǵy brıtanıalyq buǵan deıin Paralımpıada oıyndaryna qatysqan, dep habarlaıdy Almaty-akshamy.kz 24.kz-ke silteme jasap.
Ony ǵaryshqa daıyndaý jumysy 2 jyldan 3 jylǵa deıin sozylýy múmkin. Paraastronavt keńistikte bir kún bolýy tıis. Ol bes ǵaryshkermen birge ushady. Olardyń arasynda eki áıel bar. Osy topqa iligý úshin 22 myń úmitker synaqtan ótken. Aıta keteıik, Eýropalyq Ǵarysh agenttigi aldaǵy 3 jylda búdjetin 17% arttyryp, shamamen 17 mlrd eýro bólýdi josparlap otyr.
«Men bul múmkindikke ońaı qol jetkizip otyrǵan joqpyn. Paralımpıada atleti de boldym, hırýrg-dáriger mamandyǵyn da ıgerdim. Osynyń bári maǵan senim men kúsh-jiger berdi. Bul búkil adamzat úshin tarıhı oqıǵa bolmaq. Adamnyń qolynan kelmeıtini joq», - dedi paraastronavt Djon Makfol.