Qazaqstanda koronavırýs jaǵdaıyna baılanysty epıdahýal áli de jaqsara qoıǵan joq. Eldiń bir óńiri ǵana «jasyl» beldeýde tur. Shekteý sharalaryn alyp tastaý úshin, turǵyndardyń 70-80% -y vaksına alýy kerek degen talap bar.
Dúnıe júzin dúrliktirgen kovıd dertiniń statısıkasy da, órshý qaýpi de qorqynyshty. Budan buryn Iran memleketiniń besinshi tolqyn bastaldy dep jarıalaǵanyn jazǵanbyz, -dep habarlaıdy Almaty-akshamy.kz tilshisi.
COVID-19 taralýyna jol bermeý jónindegi VAK-tyń málimetinshe, vırýs juqtyrǵan adamdar sany kún saıyn ósýde.
Soltústik Makedonıada ótken kúni 805 koronavırýs tasymaldaýshysy anyqtaldy. Juqtyrǵandar sanynyń artýymen qatar, ólim sany da ulǵaıyp keledi – 5 552. Epıdemıa bastalǵannan beri elde COVID-19 indetine shaldyǵýdyń 162 164 jaǵdaıy anyqtaldy, al respýblıkadaǵy jalpy halyq sany 2 mıllıonnan sál asady. Jaǵdaıdyń kúrt nasharlaýy vaksına almaǵan azamattar úshin tamaqtaný oryndaryna barýǵa shekteýler engizýge ákep soqtyrdy.
Lıtvada da qatań karantındik sharalar engizildi. Jańa shekteýler 13 qyrkúıekke deıin jalǵasady, olar COVID-19 vırýsyna qarsy vaksınasıalanbaǵan azamattarǵa qatysty. Ekpe almaǵan adamdar úshin karantındi saqtamaý 1 500-den 6000 eýroǵa deıin aıyppul salýǵa ákelýi múmkin. «Múmkindikter pasporty» bolmaǵan jaǵdaıda qorǵanys maskalaryn kıip, jabyq bólmelerde 2 metr qashyqtyqty saqtaý kerek, al mekeme basshylyǵy kelýshiler men qyzmetkerlerdiń jeke gıgıenasyna, úı-jaılardy jıi jeldetýge, jıhazdardy dezınfeksıalaýǵa jaǵdaı jasaýy kerek.
Mońǵolıada COVID-19 juqtyrýdyń 180 myńnan astam rastalǵan jaǵdaıy tirkeldi, - dep habarlady eldiń Densaýlyq saqtaý mınıstrligi. Sońǵy 24 saǵat ishinde 6 530 PTR-testileý ótkizildi, onyń ishinde 1 402 oń nátıje berdi. 9 080 pasıent medısınalyq mekemelerde emdelýde, 191-i óte aýyr jaǵdaıda, taǵy 2 953-i aýyr jaǵdaıda. Jalpyulttyq vaksınasıa naýqanynda eresek turǵyndardyń kem degende 60% - yn egý josparlanýda.
Avstralıada birneshe kún qatarynan koronavırýstyq ınfeksıa juqtyrý sanynyń rekordtyq ósýi tirkeldi. El bıligi sanıtarlyq shekteýlerdi kúsheıtti. Sıdneıde lokdaýndy saqtamaǵany úshin aıyppul kólemi kóbeıtildi. Úıden 5 km-den astam qashyqtyqqa sebepsiz ketip qalǵan turǵyndar 5 myń avstralıalyq dollarǵa deıin aıyppul tóleýge májbúr bolady. Bul 3 myń eýrodan astam qarjy. Polıseılermen qatar, megapolıste 800 áskerı qyzmetker erejelerdiń saqtalýyn baqylaıtyn bolady.
Qytaı 18 jasqa deıingi balalarǵa ekpe salýdy belsendi túrde júrgizip jatyr. Koronavırýstyq vaksınanyń 60 mıllıonnan astam dozasy 12 jastan 17 jasqa deıingi Qytaı jasóspirimderine úlestirildi. Bul týraly QHR ulttyq densaýlyq saqtaý komısıasy habarlady. Vaksınasıa Sinovac jáne Sinopharm preparattarymen jasaldy. Sinopharm farmasevtıkalyq konserni óziniń vaksınasyn úsh jastan asqan balalarǵa synaýdyń birinshi kezeńin ótkizip úlgerdi jáne sábılerge arnalǵan preparat qaýipsiz dep málimdedi.
Izraıl premer-mınıstri Naftalı Bennet 50 jastan asqan turǵyndardy tezirek údetkish vaksına jasap, Pfizer-diń úshinshi dozasymen vaksınasıalaýǵa shaqyrdy. Vaksınasıa qarqynyn toqtatpaý úshin Bennet vaksınasıa ortalyqtary shabat dinı rásimine qaramastan, táýlik boıy, aptasyna jeti kún jumys isteıtinin aıtty. Senbide dinı dástúrler boıynsha evreılerge jumystan bas tartýǵa nusqaý beriledi.