Qalanyń komýnaldyq qyzmettteriniń jáne aýdandyq TJ basqarmalarynyń kúshteri men quraldary qaýipti aımaqtarǵa aldyn ala jiberildi. Jaýyn-shashynǵa deıin ınertti materıaldar daıyn boldy dep habarlaıdy almaty-akshamy.kz
Saǵat 15.00-de jańbyr sýlarynyń kóterilýiniń 10 jaǵdaıy tirkeldi. 5 mekenjaıda sýdy sorý jáne aryqtardy tazartý jumystary jalǵasýda.
Medeý aýdanynyń Esenberlın kóshesiniń boıynda, 221 úıdiń janynda sý jınalyp qalǵan. Munda komýnaldyq uıymdardyń qyzmetkerleri jerde jumys jasaýda, aryq jelisi tazartylýda.
Medeý aýdanynyń Jánibekov kóshesi, 76 mekenjaıy aýlasyna da sý jınalyp qalǵan. Bul jerde komýnaldyq uıymdardyń qyzmetkerleri jumys isteýde, aryq jelisi tazartylýda.
Almaly aýdanynyń Abaı dańǵyly boıyndaǵy Naýryzbaı batyr kóshesiniń qıylysynda, Muqanov kóshesiniń boıyndaǵy 172 úıdiń janynda; Brýno kóshesi, 1 úıdiń janynda jınalǵan sýlar sorylyp, aryq jelisi tazartylýda.
Rozybakıev kóshesi 5 «a», Qarasaı batyr kóshesi, 315; Brýsılovskıı kóshesi, 100 «a» mekenjaıdaǵy aýlalarynda sý jınalǵan. Bul jerlerde komýnaldyq uıymdardyń kúshteri men quraldary jumys jasaýda.
Alataý aýdanynda komýnaldyq qyzmetter Qarasý shaǵyn aýdanyndaǵy Aralqum kóshesi, 22 mekenjaıǵa bardy.
Jetisý aýdanynda Raıymbek dańǵyly, 265/1 boıynda «Nurym» meıramhanasynyń aýmaǵynda ınjenerlik komýnıkasıalar jumys istep jatyr.
Sý basyp qalý sebebi – aryq jelileri qatqyl turmystyq qaldyqtarmen bitelip qalǵan.
Eske salsaq, buǵan deıin TJD 2021 jylǵy 14 tamyzdaǵy №28 eskertýi boıynsha keı jerlerde jaýyn-shashynnyń, betkeılerde kóshkinniń bolýy múmkin ekenin, ózenderde sý deńgeıiniń kóterilgenin aldyn ala habarlaǵan bolatyn.