Búgin, 15 mamyr kúni Stambulda bokstan áıelder arasyndaǵy álem chempıonatynyń 1/8 fınaldyq jekpe-jekteri ótedi, dep habarlaıdy Almaty-akshamy.kz Egemen.kz-ke silteme jasap.
Kúndizgi sesıada Qazaqstan quramasynyń qos boksshysy sharshy alańǵa shyǵatyn bolady. 52 kıloǵa deıingi salmaq dárejesinde Jaına Shekerbekova japonıalyq Rınko Kınoshıtamen shırek fınaldyq joldamany sarapqa salady. Al 54 kıloda judyryqtasatyn Dına Jolaman kanadalyq Skarlett Delgadoǵa qarsy shyǵady.
Aıta ketsek, keshki sesıa Nur-Sultan ýaqytymen saǵat 21:00-de bastalady. Alaıda keshki sesıaǵa qazaqstandyq sportshylar qatyspaıdy.