Birinshi partıada taı-breıkte fın tenısshisi basym tústi
Qazaqstannyń birinshi, álemniń 44-raketkasy Aleksandr Býblık Mets (Fransıa) ATP 250 týrnıriniń shırek fınalyna shyqty, dep habarlaıdy Almaty-akshamy.kz QazAqparatqa silteme jasap.
Jarystyń jetinshi raketkasy bolyp tirkelgen qazaqstandyq tenısshi ekinshi aınalymda dúnıejúzilik reıtıńte 51-orynda turǵan fınlándıalyq Emıl Rýýsývýorımen kezdesti.
Birinshi partıada taı-breıkte fın tenısshisi basym tústi - 7:6 (7:4).
Ekinshisinde Býblık ese qaıyrdy - 6:4.
Úshinshi, sheshýshi sette qazaqstandyq tenısshi 3:1 esebimen alǵa shyqty. Aqyry machty jeńispen támamdady - 6:3.
Eki saǵat 14 mınýtqa sozylǵan báseke barysynda Býblık 13 eıs jasap, 5 breık-poınttyń tórteýin paıdalana bildi.
A.Býblık jartylaı fınalǵa shyǵý úshin álemniń 31-raketkasy, danıalyq Holger Rýne nemese reıtıńte 61-satydaǵy fransıalyq Bendjamın Bonzıdiń bireýimen talasady.
Eske sala keteıik, budan buryn Aleksandr Býblıktiń Fransıadaǵy týrnırdi jeńispen bastaǵanyn jazǵan bolatynbyz.
Sondaı-aq qazaqstandyq tenısshi Portýgalıadaǵy jarystyń shırek fınalyna shyqty.