Mamandar: Mamyrdaǵy merekeler kezinde keıbir dárilik preparattardyń ózderińizben birge bolǵany jón
Terapevt-dáriger Alekseı Hýhrev mereke kúnderi dári saqtaıtyn qorapta regıdratasıaǵa arnalǵan preparat, antıgıstamındi jáne ýlaný kezinde kómektesetin dári-dárimekter, sonymen qatar, belsendirilgen kómir bolýy kerek degen keńes berdi, dep habarlaıdy Almaty-akshamy.kz Ren-tv saıtyna silteme jasap.
Onyń pikirinshe, regıdratasıaǵa arnalǵan preparattar ýlaný kezinde, qusý nemese dıareıa kezinde kómektesedi. Sonymen qatar, onyń aıtýynsha, tamaqtan ýlanyp qalǵan kezde adam elektrolıtterin azaıtady.
"Adam álsirep, bulshyq etteri aýyryp, kózi tumandanyp, ishi buraıdy. Osynyń bári qusý nemese ishi ketý kezinde adamnyń elektrolıtterin joǵaltýdan bolady, olardy qaıta qalpyna keltirý kerek bolady", - dep túsindirdi dáriger.
Sonymen birge, mindetti túrde bolýy tıis dáriler qatarynda antıgıstamındi preparattar da bolsa, artyq bolmaıdy. Bul preparattar shybyn-shirkeı, qurt-qumyrsqa men jándikter shaǵyp alǵan jaǵdaıda alergıalyq reaksıa týyndaǵan kezde kómektesedi. Aýyrsynýdy basatyn preparattar, belsendirilgen kómir, jarany tańatyn plasyr, dákeler, brıllıant jasyly (zelenka) jáne kúıikke qarsy dárilik preparattar mindetti túrde bolýy kerek dep sanaıdy. Alekseı Hýhrev aýyrý jáne spazm kezinde kómektesetin spazmolıtık pen joǵary temperatýrany basatyn dárilerdi de alyp júrýge keńes berdi.