Soltústikte sýyq, batysta jańbyr jaýady.
«Qazgıdromet» mamandary 5-7 mamyr kúnderi aýa raıy qandaı bolatynyn aıtty, dep habarlaıdy Almaty-akshamy.kz.
«Eldiń soltústik aımaqtarynda, ońtústik aımaqtarǵa qaraǵanda, kóktem áli de keshigedi. Bul ońtústik aımaqtarǵa Ózbekstannyń aýdandarynan keletin jyly aýa massalary men soltústik aımaqtarǵa shabýyl jasaıtyn sýyq aýa massalaryna baılanysty. Solaısha, soltústik-batys antısıklony túngi temperatýranyń tómendeýine ákeledi. Al osy eki aýa aǵynynyń soqtyǵysýy aıasynda batys óńirlerde jańbyr, burshaq jaýyp (keı jerlerde qatty), naızaǵaı oınap jáne ekpindi jel soǵady», - delingen sınoptıkterdiń habarlamasynda.