Almatyda ekonomıkany sapaly damytý maqsatynda jyl saıyn 10% deńgeıdegi ósimmen ınvestısıalar tartý josparlanýda. 2024 jyly 1,8 trln. teńge, 2025 jyly – 2,1 trln. teńge. Bul týraly Almaty qalasynyń Kásipkerlik jáne ınvestısıalar basqarmasy habarlady.
«2023 jylǵa 2019 jylǵa qaraı ınvestısıanyń 239% deńgeıinde ósýi kózdelgen, ıaǵnı 2022 jylǵa qaraı 20,6%-ǵa ósý. Bul rette 2024 jyly ınvestısıanyń ósýi 2019 jylǵa qaraı – 176%, ıaǵnı 2023 jylǵa qaraı 26,4%-ǵa tómendedi. UEM Almaty úshin 2023 jylǵa 1 850 mlrd. teńge deńgeıinde jáne 2024 jylǵa 2 185 mlrd. teńge deńgeıinde negizgi kapıtalǵa ınvestısıalar kólemi boıynsha nysanaly ındıkator aıqyndaldy. Bul 2 jyl ishinde 47,4%-ǵa ósýdi boljaıdy, al QR boıynsha jalpy ósim 37,8%-dy quraıdy. Aldaǵy 2 jylda 456 mlrd. teńge somasyna 38 ınvestısıalyq joba iske asyrylyp, aýdany 88 myń m2 18 MPP engiziletin bolady» - dep atap ótti basqarma.
Keminde 220 myń avto óndirisi bar avtoklasterdi qalyptastyrý sheńberinde jobalyq qýaty 170 myń avtomobılge deıingi 2 jańa avtozaýytty iske qosý josparlanýda. Onyń ishinde – qytaılyq "Changan", "Chery", "Haval" brendteriniń mýltıbrendtik zaýyty – jylyna 90 myń avto jáne "Orbis Manufacturing" zaýyty-jylyna 80 myń avto. IZA-ny 194 gektarǵa keńeıtý 2025-2026 jyldary 230 mlrd. teńge somasyna qosymsha 7 iri jobany iske asyrýǵa múmkindik beredi. SHOB jobalary basym baǵyttarda 45 mlrd. teńgeden kem emes somaǵa jyl saıyn qoldaý alady. Osy sharalardyń arqasynda megapolıs ekonomıkasynyń ósýi 2025 jyly 6,5%-ǵa deıin jedeldete otyryp, 2024 jyly 5,5% deńgeıinde bolady dep boljanady.