Almatyda 2024 jyldan jańa týǵan nárestelerge arnap ınkýbatorlar men reanımasıalyq júıeler shyǵaryla bastaıdy
Almatyda ekonomıkany odan ári ártaraptandyrý boıynsha sharalar iske asyrylýda. Óńdeý ónerkásibiniń basym baǵytynda zákir óndirisi boıynsha jobalar iske asyrylýda. Osylaısha, 2024 jyly Wildberries logıstıkalyq ortalyǵy men medısınalyq jabdyqtardy óndirý boıynsha 3 joba iske qosylady. Bul týraly Almaty qalasynyń Kásipkerlik jáne ınvestısıalar basqarmasy habarlady.
Atap aıtqanda, operasıalyq shamdardy, pasıentterdiń tósegin, balalarǵa arnalǵan ınfraqyzyl jylytqyshtardy, fototerapıaǵa arnalǵan apparattardy, aspıratorlar, jańa týǵan nárestelerge arnalǵan ınkýbatorlar, reanımasıalyq júıe, últradybystyq apparattar, EKG, sıfrlyq rentgenografıa júıelerin jáne t.b. óndiretin bolady.
2025 jyly "Changan", "Shegý" men "Haval" mýltıbrendtik avtozaýyty, Knauf Insulations jylý oqshaýlaǵysh materıaldar zaýyty, 6 farmasevtıka men medısınalyq jabdyqtardy óndirý boıynsha taǵy 4 joba iske qosylady. Al 2026 jyly "ORBIS MANUFACTURING" jeńil avtomobılder shyǵaratyn zaýytty iske qosý josparlanýda. Osylaısha Almaty ekonomıkasyndaǵy óńdeý ónerkásibiniń úlesi 2024 jyly 5,6%-ǵa deıin jáne 2025 jyly 6,6%-ǵa deıin ulǵaıady.