2022 jyldyń birinshi jartyjyldyǵynda 9 mln qazaqstandyqty revaksınalaý qajet — A. Mamın
QR Premer-Mınıstri Asqar Mamınniń tóraǵalyǵymen ótken Úkimet otyrysynda eldegi sanıtarlyq-epıdemıologıalyq jaǵdaı qaraldy, dep habarlaıdy Almaty-akshamy.kz
Densaýlyq saqtaý mınıstriniń mindetin atqarýshy Jandos Búrkitbaev eldegi sanıtarlyq-epıdemıologıalyq jaǵdaıdyń turaqty ekenin baıandady. Infeksıalyq jáne reanımasıalyq tósekterdiń júktemesi 17% quraıdy. Koronavırýs ınfeksıasymen aýrýhanaǵa jatqyzý jáne aýyr jaǵdaılar sany aıtarlyqtaı azaıdy.
Qazirgi tańda koronavırýs ınfeksıasynyń taralý qarqyny boıynsha óńirlerdiń kóbisi (15) jáne jalpy Qazaqstan Respýblıkasy «jasyl aımaqta» ornalasqan. Nur-Sultan qalasy men Soltústik Qazaqstan oblysy «sary aımaqta» tur.
Búgingi tańda 9 mln-nan astam adam vaksınanyń birinshi komponentin aldy – bul eresek adamdardyń 80%-ǵa jýyǵy, 8,5 mln-ǵa jýyq adam nemese eresek adamdardyń 75%-y ekinshi komponentin aldy. 242 myń jasóspirim vaksınanyń İ komponentin aldy, II komponentin – shamamen 90 myńy.
Revaksınasıadan 450 myń adam ótti. Sonymen qatar álemde syrqattanýshylyqtyń ósýin eskere otyryp, Úkimet basshysy sanıtarıalyq-epıdemıologıalyq talaptardy, onyń ishinde úı-jaılar men qoǵamdyq kólikterde maska taǵý rejımin, sondaı-aq adamdar kóp jınalatyn oryndarda áleýmettik qashyqtyqty saqtaýdyń qatań mindettiligine erekshe nazar aýdardy.
Premer-Mınıstr tıisti aqparattyq-túsindirý jumystaryn jandandyryp, halyqty jappaı revaksınasıalaý qarqynyn arttyrýdy tapsyrdy.
«Jappaı revaksınalaý jumystaryn kúsheıtý qajet. 2022 jyldyń birinshi jartyjyldyǵynda shamamen 9 mln adamdy revaksınalaý qajet», — dedi A. Mamın.
Vaksınanyń ekinshi komponentin alǵan sátten bastap 6 aı ýaqyt ótken azamattar buǵan deıin salynǵan vaksınanyń túrine baılanysty qaıta vaksına alady.