Memleket basshysy Qasym-Jomart Toqaev pen Albanıa Prezıdenti Baıram Begaı shaǵyn quramda kelissóz júrgizdi, dep habarlaıdy Almaty-akshamy.kz
«Bul – tarıhtaǵy Albanıa Prezıdentiniń Qazaqstanǵa jasaǵan alǵashqy sapary. Sizdiń resmı saparyńyz ózara yntymqatastyqty damytý turǵysynan óte mańyzdy. Qazaqstan sizdiń elińizben tyǵyz qarym-qatynas jasaýǵa nıetti», - dedi Qazaqstan Prezıdenti.
Memleket basshysy eki taraptyń múddesine saı keletin kóptegen salada ózara tıimdi yntymaqtastyqty damytýǵa múmkindik mol ekenin atap ótti.
«Eki aptadan soń elderimiz arasyndaǵy dıplomatıalyq qarym-qatynastyń ornaǵanyna 30 jyl tolady. Sizdiń saparyńyzdyń osy aıtýly datamen tuspa-tus kelýiniń sımvoldyq máni bar», – dedi Qasym-Jomart Toqaev.
Óz kezeginde Albanıa Prezıdenti Baıram Begaı Qazaqstanǵa saparmen kelgenine óte qýanyshty ekenin aıtty.
«Arnaıy shaqyrǵanyńyz úshin Sizge rızashylyǵymdy bildiremin. Ózińiz aıtqandaı, bul sapar dıplomatıalyq baılanystarymyzdyń 30 jyldyq mereıtoıymen tuspa-tus kelip otyr. Bul bizdiń saıası qarym-qatynasymyzdyń joǵary deńgeıde ekenin kórsetedi. Endi ekonomıkalyq yntymaqtastyǵymyzdy odan ári nyǵaıtý úshin jańa múmkindikter taýyp, birlese jumys isteýimiz kerek. Sizdi Albanıaǵa saparmen kelýge shaqyramyn, – dedi Albanıa basshysy.