450 jańa avtobýs satyp aldy.
Qoǵamdyq kólik jumysynyń sapasyna aýdan turǵyndary kóp shaǵymyn týdyrdy. Bul avtobýs parkiniń jetispeýshiligimen baılanysty edi. Bul týraly Alataý aýdanynyń turǵyndarymen kezdesýde qala ákimi Erbolat Dosaev aıtty, dep habarlady Almaty-akshamy.kz.
Bıylǵy jyldyń kókteminde ákimdik 450 jańa avtobýs satyp aldy, onyń ishinde 92 avtobýs Alataý aýdanynda taratyldy. Osylaısha, qazir aýdannyń avtobýs parki 100% jańartyldy.
Jańa avtobýstardyń arqasynda 12 marshrýt jelisiniń máseleleri sheshildi.
Turǵyndardyń ótinish-tilekterin eskere otyryp, "Teploenergetık" saıajaı massıvine №142, "Terekti" sh/a №53, "Qarasý" sh/a "Adem" saýda úıine deıin №35, “Mádenıet” turǵyn úı kesheninen bastap “Ójet” shaǵyn aýdanyna deıin №24 jańa marshrýt ashyldy.
"Qarasý" men "Samǵaý" shaǵy aýdanyndarynda 2 marshrýt uzartylyp, jyljymaly quram sany kóbeıtildi. Bul marshrýttar ıntervalyn saqtaýǵa múmkindik berdi.
"Shańyraq-1", "Darhan", "Alǵabas", "Terekti", "Uljan" shaǵynaýdandarynda №103, №69, №115, №132 marshrýt jelileriniń 52 avtobýsy jańartyldy.
"Rahat-Mádenıet" sh/a №24 jáne "Saıaly" sh/a №125 avtobýs marshrýttary qozǵalys ıntervaly qalpyna keldi.
Jyl basynda aýdanda 90 aıaldama jetispegen, onyń 30-y ornatyldy. Jeltoqsanǵa deıin taǵy 20 aıaldama ornatylady.
Qalǵandary 2023 jyly ornatylady. Alataý aýdany boıynsha aıaldamalardyń jetispeýshiligi máselesi kelesi jyldyń sońyna deıin tolyǵymen sheshiledi.