Brazılıa tórinde ótken halyqaralyq baıqaýda qazaqstandyq karıkatýrashynyń eńbegi joǵary baǵalandy, - dep habarlaıdy Aqshamnews.kz tilshisi.
2025 jyly Brazılıada ótken 5-shi Halyqaralyq organ donorlyǵy taqyrybyndaǵy karıkatýra baıqaýynyń nátıjeleri jarıalandy. Bıylǵy konkýrsqa álemniń túkpir-túkpirinen sýretshiler qatysyp, qoǵamdaǵy mańyzdy medısınalyq ári gýmanısik taqyrypty beıneleýde óz kózqarasyn usynǵan.
Bul baıqaýdy Brazılıadaǵy Gabrıel atty Aǵza aýystyrý ınstıtýty uıymdastyrǵan.
Qazaqstan atynan qatysqan Alatau Aqparat medıaholdıngi karıkatýrashysy Ǵalym Smaǵululy yntalandyrý syılyǵyna ıe boldy. Onyń jumysy adam ómirin qutqarýdaǵy donordyń mańyzyn tereń astarmen jetkizgeni úshin qazylar tarapynan joǵary baǵa aldy.
"Sýrette forma tabý kerek. Taqyrypty zamanaýılandyryp berdim. Nátıjesinde osyndaı týyndy shyqty", - deıdi Ǵalym Smaǵululy.
Eske salaıyq, buǵan deıin Ǵalym Smaǵululy Ystambuldaǵy 16-shy Halyqaralyq týrısik karıkatýrashylar baıqaýynda Fehmı Kofteoglý atyndaǵy júldeni jeńip alǵan edi.