Almatynyń Naýryzbaı aýdanynda syrtqy jaryqtandyrý júıesin salý jáne damytý jumysy jalǵasyp jatyr. Jobanyń negizgi maqsaty – jol qaýipsizdigin arttyrý, turǵyndar úshin qolaıly orta qalyptastyrý jáne aýdannyń kóshe-jol ınfraqurylymyn jaqsartý. Bul týraly Naýryzbaı aýdanynyń ákimdigi habarlady.
Jumys eki baǵyt boıynsha júrgizilip jatyr. Bıyl AQJ jelisi aıasynda aýdannyń 29 kóshesinde syrtqy jaryqtandyrý ornatý aıaqtaldy. Sonymen qatar "Halyq qatysatyn búdjet" jobasy boıynsha turǵyndardyń kóptep joldaǵan ótinishi negizinde buryn jaryqtandyrylmaǵan 22 kóshede jaryqtandyrý ornatylýda.
Qazir merdiger uıymdar jaryqtandyrý tirekterin montajdaý, sham ornatý, kabel jelilerin tartý jáne elektr jelilerine qosý jumystaryn júrgizip jatyr. Barlyq jumys tehnıkalyq talap pen qaýipsizdik normalaryna saı atqarylyp jatyr.
Turǵyndar ózgeristiń tıimdiligin aıtyp otyr.
"Buryn keshki ýaqytta kóshede qarańǵy bolyp, ásirese balalar úshin qaýipsizdik máselesi qıyn edi. Qazir jaryq, jaıly, kesh shyǵýdan qoryqpaımyz. Aýdannyń kórkeıýine atsalysyp jatqan barshaǵa raqmet", – dedi aýdan turǵyny Saıda Fılenkova.
Aýdan ákimdiginiń málimetinshe, syrtqy jaryqtandyrý boıynsha barlyq jumys kezeńderin bıyl jyl sońyna deıin aıaqtaý josparlanǵan.