Almaty-akshamy.kz saıtynyń búgingi jańalyqtaryna sholý – kún kerýeni
Boksshylar alǵan bes joldama
Italıanyń Býsto-Arsısıo qalasynda bokstan Parıj Olımpıadasynyń lısenzıasy úlestiriletin álemdik týrnır óz máresine jetti. Qazaqstan quramasynyń erler jáne áıelder arasyndaǵy 11 boksshysy (6 er, 5 áıel) qatysyp, ulttyq qurama qorjynyna Parıj Olımpıadasynyń bes joldamasyn saldy. Ókinishke qaraı, áıelder quramasy lısenzıaǵa qol jetkize almady.
Nurlan ımam ne deıdi?
Nurlan ımam Baıjigituly oraza ustaǵan adam sáresine uıyqtap qalsa ne isteýi keregin túsindirdi
«Sáresine uıyqtap qaldyńyz, ýaqyty shyǵyp ketipti: keshe jasaǵan nıetińizdi búgin qaıtadan aıtyńyz. Sý ishýdiń qajeti joq. Ýaqyty kirse jalǵastyra beresiz. Eger ýaqyty kirmeı, sanaýly mınýttar qalsa nıetińizdi aıtyp, sýmen bekitip qoısańyz bolady. Kóp adam sýmen bekitilip, sýmen ashylady dep oılaıdy eken. Joq, oraza ýaqytymen ashylyp, ýaqytymen jabylady. Sáresi tamaq ishpeı, keshke deıin júrgennen keıin adamnyń asqazany tartylyp qalyp, sol kezde jumsaqtap tátti nárse jep nemese sý ishý - densaýlyqqa paıdaly», - dedi ımam.
Medkitapsha da onlaın bolmaq
Kelesi jyldyń basynan bastap azamattardyń jeke medısınalyq kitapshalary (JMK) tolyǵymen onlaın-formatqa kóshedi, bul azamattarǵa medısınalyq tekserýden ótý ýaqytyn qysqartýǵa múmkindik beredi, jumysqa jiberý týraly mórtaban alý úshin terapevtke qaıta barý qajettiligin boldyrmaıdy.
Qaldyqtyń da qajeti bar
QR Ekologıa mınıstrligi málimdeýinshe, byltyr elimizde 1 mln tonnadan astam qaldyq óńdelgen.
«2023 jyly elimizde 4,1 mln tonnaǵa jýyq komýnaldyq qaldyqtar túzilgen. Onyń 1 mln tonnasy suryptalyp, qaıta óńdeldi. Qoqysty shyǵarý qyzmetimen elimizdiń 80%-ǵa jýyq halqy turatyn qalalar men iri eldi mekender qamtamasyz etilgen. Komýnaldyq qaldyqtardyń morfologıalyq quramy shamamen 70% paıdaly fraksıalardan turady, atap aıtqanda 16% plasık, 11% makýlatýra, 9% shyny, 37% organıkalyq qaldyqtar, 27% taǵy basqalary», dedi ekologıa mınıstri Erlan Nysanbaev Úkimet otyrysynda.
37 zaýyt iske qosylady
QR Premer-Mınıstri Oljas Bektenovtiń tóraǵalyǵymen ótken Úkimet otyrysynda iri qalalarda qatty turmystyq qaldyqtardy qaıta óńdeý zaýyttaryn salý máselesi qaraldy.Qatty turmystyq qaldyqtardy qaıta óńdeý boıynsha jalpy qýattylyǵy jylyna 1,2 mln tonnadan asatyn jańa 37 zaýyt salý jáne jumys istep turǵan 8 zaýytty jańǵyrtý josparlanyp otyr. Bul óńdeý kólemin jylyna 1,4 mln tonnaǵa deıin arttyrýǵa múmkindik beredi.
APV vaksınasy kimge salynady?
Adam papıllomasy vırýsyna (APV) qarsy vaksına 15 jyldan astam ýaqyt boıy qoldanylyp keledi. Qazaqstanda APV-ǵa qarsy vaksınasıalaý júrgizý 2024 jyldyń úshinshi toqsanyna josparlanǵan. DDU usynymyna sáıkes APV-ǵa qarsy vaksınasıalaý úshin qajetti top-9-14 jas aralyǵyndaǵy qyzdar.
Qulaqsyz qaldyrǵan qulaqqap
Qytaıda eki jyl boıy qulaqqappen uıyqtaýdy ádet etken áıel estý qabiletinen aıyryldy. Vang esimdi áıel estý qabileti nasharlaǵanyn baıqap, qulaǵyn tekserý úshin aýrýhanaǵa bardy. Naýqastyń sol qulaǵynda nevrologıalyq estý qabiletiniń zaqymdanýy baıqalǵan.
Ajal shahtasy
Qaraǵandy oblysyndaǵy «Saran» shahtasynyń 43 jastaǵy kenshisi qurylǵyny montajdaý kezinde aýyr jaraqat alyp, saldarynan qaıtys bolǵan. Qaıǵyly oqıǵa 12 naýryz kúni túnde kompanıanyń kómir departamentine qarasty "Saran" shahtasynda montajdaý jumysynyń arnaıy jabdyqty jóndeý kezinde bolǵan.
Almatyny qar basady
Sınoptıkter osylaı dep otyr. Mamandardyń boljaýynsha, qalada 2024 jyldyń 13 naýryzynda qolaısyz aýa raıy bolady. Osyǵan baılanysty Almaty qalalyq Tótenshe jaǵdaılar departamenti qala turǵyndary men qonaqtaryna mańyzdy eskertý jasady.
Taýly aımaqtarǵa serýendeýdi aýa raıy qolaıly bolǵansha keıinge qaldyrǵan durys.
Islam álemi moıyndaǵan Hıýa
Ózbekstannyń Hıýa qalasyna ıslam áleminiń týrısik shahary mártebesi berildi. Muny aıǵaqtaıtyn arnaıy sertıfıkatty Islam yntymaqtastyǵy uıymynyń basshylyǵy tabys etti. Eki jyl buryn uıymǵa múshe elderdiń sesıasynda Hıýa, Ábý-Dabı, Shanlyýrfa, Lagos pen Dýshanbe «2024 jylǵy ıslam áleminiń týrısik shahary» mártebesine usynylǵan. Orta Azıadaǵy bes qalanyń ishinen Hıýa laıyq dep tanyldy.