Sol kezdegi halyq tańdaýy búgingi jemisti nátıjesin kórsetip otyr.
Qazaqstan Respýblıkasynyń Aqparat jáne qoǵamdyq damý mınıstri Aıda Balaeva qazastandyqtardy Konstıtýsıa Kúnimen quttyqtady, dep habarlaıdy Almaty-akshamy.kz.
Barsha qazaqstandyqtardy ataýly merekemiz – Konstıtýsıa Kúnimen shyn júrekten quttyqtaımyn! Osydan týra 26 jyl buryn – 1995 jyly 30 tamyzda jalpyhalyqtyq referendým arqyly prezıdenttik basqarý formasyndaǵy búgingi zaıyrly, quqyqtyq jáne demokratıalyq memleketimizdiń negizin qalaǵan Ata Zańymyz qabyldanǵan edi. Bul jańadan qurylǵan jas memleketimiz úshin de, táýelsizdik jaýapkershiliginiń tarıhı júgin sezingen azamattar úshin de syndarly kezeń boldy. Ýaqyt kórsetkendeı sol kezdegi halyq tańdaýy búgingi jemisti nátıjesin kórsetip otyr. Sodan beri shırek ǵasyrdan astam ýaqyt Ata Zańymyz azamattarymyzdyń quqyǵy men bostandyǵyn qorǵap, qoǵamnyń demokratıalyq qaǵıdalar negizinde damýyn qamtamasyz etip keledi. Eger Táýelsizdik – memleketimizge álemdik qaýymdastyqpen terezesi teń dáreje áreket etýge múmkindik berse, Konstıtýsıa – osy memlekettiń árbir azamatynyń óz quqyǵyn qorǵap, ondaǵy adam ómiriniń eń joǵarǵy qundylyq ekendigine kepildik beredi. Sondyqtan Qazaqstan Respýblıkasynyń Konstıtýsıasy Kúni – bul turaqty da tıanaqty damýdyń belgisi. Pandemıa – qazir qoǵam úshin kúrdeli de aýyr kezeń bolyp otyr. Degenmen, tájirıbe kórsetkendeı, halqymyzdyń ýaqyt synaǵynan ótken myzǵymas birligi men qamqor tirligi bul qıyndyqty da nátıjeli eńserýge múmkindik beredi dep senemin. Bıyl ishki saıası turaqtylyq pen ultaralyq tatýlyqtyń negizinde eldigimizdiń eńsesin tiktep, irgesin bekitip kele jatqan el Táýelsizdiginiń 30 jyldyǵy. Bul bizdiń baǵa jetpes basty qundylyǵymyz. Jarqyn keleshek pen baıandy bolashaq qalyptastyrýdyń osy jolynda biz alda da aıanbaı eńbek etip, qashanda bir týdyń astynda birige bilýimiz qajet.Konstıtýsıa Kúni qutty bolsyn!