Almaty ákimdigi «Almaty – adamdar úshin jahandyq qala» baǵdarlamasyna qatysty Qazaqstannyń Eńbek Eri, ustaz Aıagúl Mırazova óz pikirin bildirdi, dep habarlaıdy Almaty-akshamy.kz.
«Qala ákimdigi óte úlken, aýqymdy, jan-jaqty qamtylǵan «Almaty – adamdar úshin jahandyq qala» atty 2025 jylǵa deıingi damý josparynyń negizgi basymdyqtary jáne 2030 jylǵa deıingi orta merzimdi perspektıvalary kórsetilgen jobany usynyp otyr. Tereń oılanatyn bolsaq, nur ústine nur bolar edi. Árıne, ol úshin biraz jumys atqarylý kerek. Osyndaı jobanyń iske asýyna qala turǵyndary qýana atsalysady dep oılaımyn», – dedi Aıagúl Mırazova.
Onyń aıtýynsha, qala ákiminiń bilim berý salasyna erekshe nazar aýdaryp otyrǵanyn jetkizdi.
«Sapaly bilim alý úshin, mekteptiń materıaldyq, tehnıkalyq jaǵdaıy, sapaly ustazdardyń sapalyq quramy árbir synypta otyrǵan oqýshylardyń sanyna baılanysty. Mekteptegi ahýalǵa baılanysty adamdar balalaryn jaqsy mektepke bergisi keledi. Sol mekteptiń basshysynyń iskerligine, ustazdaryna tikeleı baılanysty dep oılaımyn. Sondyqtan da qoljetimdi sapaly mektep bolý úshin, osy jaǵyna da qatty kóńil bólý kerek. Al osy baǵdarlamadaǵy 2025 jylǵa deıin synyptaǵy oqýshy sany 25-ten aspaýy kerek degendi qýana-qýana qabyldaımyz. Bul – óte durys. Osy baǵdarlama iske assa, biraz dúnıe óz ornyna keledi», – dedi ol.
Qala turǵyndary baǵdarlamamen tanysyp, óz usynysyn «Almatyny damytý ortalyǵynyń» saıtynda 2022 jyldyń 1 shildesine deıin qaldyra alady.