Energetıka vıse-mınıstri Suńǵat Esimhanov AI-92 markaly benzın men dızel otyny baǵasyn odan ári kóterýge moratorıı engiziletinin aıtty.
«Memleket basshysynyń áleýmettik jaǵdaıdy turaqtandyrý boıynsha bergen tapsyrmalaryna sáıkes barlyq jumystar júrgizilýde. Eń aldymen janarmaı baǵasynyń kóterilmeý máselesin qarastyryp jatyrmyz. Búginnen bastap moratorıı jarıalanady. Energetıka mınıstrligi Básekelestikti qorǵaý jáne damytý agenttigimen jáne óńir ákimdikterimen birlesip tıisti jumystardy júrgizýde.
Sonymen qatar elektr energıasy, jylý salasyndaǵy tarıfterdiń de kóterilmeýin qadaǵalaýdamyz. Jumys birneshe baǵytta júrgiziletin bolady – bul ishki shyǵyndardy ońtaılandyrý jáne kómirdiń turaqty baǵasyn, sondaı-aq temirjol tarıfterin qamtamasyz etý. Jaqyn arada komýnaldyq qyzmetter tarıfterin kóterýge moratorıı jarıalanady. Bunyń barlyǵy Prezıdenttiń bergen tapsyrmasyna sáıkes júzege asady» — dedi energetıka vıse-mınıstri.