AES salýdy qoldaý jónindegi Halyq shtaby oblystyq Kópsalaly balalar aýrýhanasynyń alańynda óńirdegi medısına salasynyń qyzmetkerlerimen kezdesý ótkizdi.
Kezdesý barysynda kómir elektr stansıalarymen salystyrǵanda atom elektr stansıalarynyń zıandy shyǵaryndylarynyń áldeqaıda az ekendigi aıtyldy, bul ekologıalyq jaǵdaıdy jaqsartýǵa oń yqpal etedi. Shyǵaryndylardyń az bolýy aýanyń lastanýyna baılanysty aýrýlar sanynyń azaıýyna septigin tıgizedi.
Qazirgi zamanǵy ıadrolyq tehnologıalar medısına salasynda dıagnostıkalaý jáne emdeý maqsatynda burynnan qoldanylyp keledi. Sonymen qatar, atom elektr stansıalarynyń radıasıalyq sáýlesi ádettegi flúorografıaǵa nemese ushaqta otyryp uzaq ushýǵa qaraǵanda áldeqaıda az ekendigi atap ótildi.
"Barlyq medısınalyq aparatýranyń, KT, MRT-nyń jumysy turaqty elektr qýatymen jabdyqtaý máselesimen tyǵyz baılanysty. Biz AES qajettiligine 100% senimdimiz. Atom energetıkasy adamnyń búkil ómirinde radıoaktıvti sáýlege ushyraýynyń tek 0,1%-yn quraıdy", – dedi jedel qyzmet zerthanasynyń aǵa medbıkesi Ksenıa Gerasımova.
Bul kezdesý atom energetıkasynyń ekologıa men densaýlyq saqtaý salasyndaǵy mańyzdylyǵyn kórsetip, medısınalyq qyzmetkerlerdiń AES-ty qoldaýyna úlken áser etti.